केंद्रीय गृह मंत्री अमित शाह मंगल दिन (१३ अगस्त) अर्थात आइ अहमदाबादमे ‘हर घर तिरंगा यात्रा’केँ हरा झंडा देखा रवाना करताह। अहमदाबाद नगर निगम द्वारा आयोजित ई कार्यक्रम आइ साँझ साढ़े चारि बजे विराटनगर क्षेत्रमे आयोजित होयत।
ई पहल देशभक्ति आ राष्ट्रीय एकताकेँ बढ़ावा देबाक उद्देश्यसँ नागरिकसभकेँ अपन घरमे राष्ट्रीय ध्वज फहरयबाक लेल प्रोत्साहित करबाक राष्ट्रव्यापी अभियानक एकटा हिस्सा अछि। भाजपा ई अभियान पूरा भारतमे शुरू कयलक अछि, केन्द्र सरकार नागरिकसभसँ घर, दोकान आ कार्यालयमे तिरंगा फहरयबाक आग्रह कयलक अछि।
भारतक स्वतंत्रताक ७५म वर्षक उपलक्ष्यमे २०२१मे ‘हर घर तिरंगा’ अभियान शुरू कयल गेल छल। एकर उद्देश्य देशक नागरिकसभमे देशभक्तिक भावना जगाबय आ भारतीय राष्ट्रीय ध्वजक विषयमे जागरूकता बढ़ायब अछि।
प्रधानमंत्री मोदी सेहो नागरिकसभसँ एहि अभियानमे भाग लेबाक अपील कयने छलथि। ओ २८ जुलाईकेँ अपन ११२म ‘मन की बात’ संबोधनमे नागरिकसभसँ एहि अभियानमे भाग लेबाक अपील कयने छलथि। ओ लोकसभकेँ अपन सोशल मीडिया प्रोफाइल पिक्चरकेँ तिरंगामे बदलबाक लेल प्रोत्साहित कयलनि। गृह मंत्री अमित शाह सेहो एहि अपीलकेँ दोहराबैत व्यापक भागीदारी आ सेल्फी साझा करबाक आग्रह कयलनि। दुनू नेता स्वतंत्रताक सन्देशक उत्सव मनयबाक आ प्रसार करबाक महत्वपर जोर देलनि।
