प्रधानमंत्री नरेन्द्र मोदी कहलनि जे “२२ जनवरीकेँ ओ ऐतिहासिक क्षण आबि रहल अछि, जखन हमर भगवान राम अपन भव्य मन्दिरमे बैसय जा रहल छथि। टेंटमे हमर आराध्यकेँ देखबाक दशक पुरान दर्द आब दूर होबय जा रहल अछि। हमर सरकार पहिल दिनसँ प्रयास कऽ रहल अछि जे श्रीरामक आदर्शक अनुसरण करैत देशमे सुशासन सुनिश्चित कयल जाय, देशमे ईमानदारीक शासन होय। ई राम राज्य अछि जे सबहक साथ, सबहक विकास, सबहक विश्वास आ सबहक प्रयासकेँ प्रेरित कयलक अछि।
नरेन्द्र मोदी कहलनि, “हम राम मन्दिरक प्राण-प्रतिष्ठासँ पहिने किछु सन्तक मार्गदर्शनमे अपन नियममे व्यस्त छी आ हम ओकर सख्तीसँ पालन करैत छी। ई सेहो संयोग अछि जे एकर प्रारम्भ महाराष्ट्रक नासिकसँ पञ्चवटीक भूमिसँ भेल छल। रामभक्तिसँ भरल एहि वातावरणमे आइ महाराष्ट्रक एक लाखसँ बेसी परिवारकेँ गृहप्रवेश भऽ रहल अछि। महाराष्ट्रक एक लाखसँ बेसी परिवार सेहो २२ जनवरीकेँ साँझमे अपन पक्का घरमे राम ज्योति प्रज्वलित करताह।”
प्रधानमंत्री नरेन्द्र मोदी कहलनि जे योजना गरीबक नाम पर बनैत छल, मुदा ओकर लाभ गरीबकेँ नहि भेटैत छल। बिचौलिया गरीब लोकक अधिकारक पाइ लूटैत छल। पछिला सरकारक नीति, इरादा आ अखंडता कठघरामे छल। हमर मंशा स्पष्ट अछि आ नीति गरीबक सशक्तिकरण अछि।
प्रधानमंत्री नरेन्द्र मोदी कहलनि, “हमर देशमे बहुत दिन तक गरीबी हटाओक नारा लगाओल जाइत छल, मुदा गरीबी दूर नहिं भेल, सोलापुरक हजारो गरीब आ मजदूर मित्रक लेल हम जे संकल्प लेलहुँ से आइ पूरा भऽ रहल अछि। आइ पीएम आवास योजनाक अन्तर्गत बनल देशक सबसँ पैघ सोसाइटीक उद्घाटन भेल अछि। हम आइ एकरा देखबा लेल आयल छी आ हम सोचलहुं जे काश हमरा सेहो बचपनमे एहन घरमे रहबाक अवसर भेटैत।”
