आम आदमी पार्टी बिहार विधानसभाक चुनाव लड़त। सौरभ भारद्वाज गठबंधन केर सवाल पर सेहो जवाब देलनि अछि आ पार्टीक रुख साफ क’ देलनि अछि।
बिहारमे एहि साल होबयबाला विधानसभा चुनावमे आम आदमी पार्टी सेहो मैदानमे उतरत। पार्टी सभ सीट पर चुनाव लड़य केर फैसला कयलक अछि।
दिल्ली आप केर अध्यक्ष आ पूर्व मंत्री सौरभ भारद्वाज बुध (11 जुन) केँ ई जानकारी प्रदान कयलनि। गठबंधनक सवाल पर ओ कहलनि कि हम असगर बिहारमे चुनाव लड़ब।
सौरभ भारद्वाज कहलनि, “गुजरातमे पाँच सीट पर उपचुनाव होयब तय छल। चारि सीट पर कांग्रेसक उम्मीदवार छल। एकटा सीट पर हमर उम्मीदवार जीतल छल। त’ तय भ’ गेल छल कि जत’ ओकर उम्मीदवार जीतल छल, ओतय’ ओ चुनाव लड़त। जत’ हमर जीतल छल, ओत’ हम चुनाव लड़ब। चारि सीटक उपचुनाव भ’ गेल। कांग्रेस चुनाव लड़ल। हम ओत’ चुनाव नहिं लड़लौंह। मुदा जखनि पाँचम सीटक उपचुनाव आयल, हम अपन उम्मीदवार ठाढ़ कएलौंह, त कांग्रेस सेहो ओहिठाम अपन उम्मीदवार ठाढ़ कएलक। हमरा लागैत अछि कि गठबंधनक धर्म तऽ ई नहिं छल। बाकी जे पैघ नेता सभक निर्णय होएत पीएसीमे, से हमहूँ मानब। बिहारक भीतर हम असगर चुनाव लड़ि रहल छी।
सौरभ भारद्वाज (पूर्व मंत्री) कहलनि, “जाहि तरहसँ दिल्लीक भीतर हमर बिहारक लोकक रोजगार केर खत्म कएल जा रहल अछि आ जतय-जतय हुनक छोट-छोट घर छल, तकरा बुलडोजरसँ गिराओल जा रहल अछि। कहल जा सकैत अछि जे बिहारक लोककेँ बिहार वापिस भगा सकैत अछि। जँ भारतीय जनता पार्टी बिहारक लोककेँ बिहार वापिस भगा सकैत अछि तऽ बिहारक लोक भारतीय जनता पार्टीकेँ बिहारसँ सेहो भगा सकैत अछि।”‘
आगू ओ कहलनि जे भारतीय जनता पार्टीक नीति झूठ बाजब अछि। बेर-बेर एतेक झूठ बाजू जे लोक अहाँक झूठकेँ सच मानय लागै लागय । मुख्यमंत्री 31 मई केँ 100 दिन पूरा होयबाक उपरांत कहैत छथि जे एक्को टा झुग्गीकेँ नहि तोड़ल जायत आ नेक्स्ट दिन मद्रासी कैंपमे करीब 800 झुग्गी सभकेँ तोड़ि देल जाइत अछि।
