बिहार राज्य खेल प्राधिकरणक आग्रह पर पूर्णिया विश्वविद्यालय सिंथेटिक एथलीट ट्रैक आवंटित कयलक – पहिल प्रतियोगिता इंदिरा गांधी स्टेडियम पूर्णियामे नवनिर्मित ट्रैक पर आयोजित कयल जायत। राज्य जूनियर सीनियर एथलेटिक्स प्रतियोगिता पूर्णियामे १९ सँ २१ जुलाई धरि आयोजित कयल जायत। एहिमे पूरा राज्यसँ लगभग दू हजार एथलीट भाग लेत। एहि संबंधमे बिहार राज्य खेल प्राधिकरणक अनुरोध पर पूर्णिया विश्वविद्यालय सिंथेटिक एथलीट ट्रैक आवंटित कयलक अछि। इन्दिरा गाँधी स्टेडियममे नवनिर्मित अन्तर्राष्ट्रीय स्तरक ट्रैक पर ई पहिल राज्य स्तरीय प्रतियोगिता होयत। एहि संबंधमे विश्वविद्यालयक मीडिया अधिकारी प्रो. अंजनी कुमार मिश्र कहलनि जे बिहार राज्य खेल प्राधिकरणक मुख्य कार्यकारी अधिकारी रविन्द्रन शंकरनक तरफसँ कुलपति प्रोफेसर राजनाथ यादवसँ अनुरोध कयल गेल जे 90म बिहार राज्य जूनियर-सीनियर एथलीट प्रतियोगिता 2024 केर आयोजनक लेल इंदिरा गांधी स्टेडियममे बनल सिंथेटिक ट्रैक केर 18 जुलाईसँ 22 जुलाई तक संरक्षित राखल जाए। ई एथलीट प्रतियोगिता १९.७.२४ स २१.७.२४ धरि चलत। एहि प्रतियोगितामे पूरा बिहारसँ लगभग २००० प्रतिभागीक भाग लेबाक अपेक्षा अछि। ई विस्तृत जानकारी पूर्णिया विश्वविद्यालयमे बिहार राज्य एथलेटिक एसोसिएशनक सचिव मोहम्मद लियाकत अली खान देलनि। पूर्णिया विश्वविद्यालयक तरफसँ प्रो. पटवारी यादव नवनिर्मित सिंथेटिक ट्रैकक आवंटनक प्रक्रिया कयलनि।
