वियनामे ऑस्ट्रियाक कलाकार प्रधानमंत्री नरेन्द्र मोदीक स्वागतमे ‘वन्दे मातरम्’ गओलनि। एकटा अन्य पोस्टमे पीएम मोदी कहलनि जे भारत-ऑस्ट्रियाक मित्रता मजबूत अछि आ आबयवला समयमे ई आओर मजबूत होयत। ४० सालसँ बेसी समयमे कोनो भारतीय प्रधानमन्त्रीक ऑस्ट्रियाक ई पहिल यात्रा अछि, अन्तिम १९८३मे इन्दिरा गाँधी गेल छलीह।
मोदीक ऑस्ट्रिया यात्राक दौरान दुनू देश अपन सम्बन्धकेँ आओर प्रगाढ़ करबाक आ विभिन्न भू-राजनीतिक चुनौतिसभ पर निकटतासँ सहयोग करबाक तरीकापर विचार करत। चारि दशकसँ बेसी समयक अन्तरालक बाद एकटा भारतीय प्रधानमन्त्री मङ्गलदिन ऐतिहासिक यात्रापर ऑस्ट्रियाक राजधानी वियना पहुँचलाह। हुनक आगमनक तुरन्त बाद प्रधानमंत्री नरेन्द्र मोदीकेँ ऑस्ट्रियाक चांसलर कार्ल नेहमर माइक्रोब्लॉगिंग प्लेटफॉर्म पर अपन आ मोदीक एकटा तस्वीर पोस्ट करैत कहलनि, “वियनामे अहाँक स्वागत अछि। ऑस्ट्रिया आ भारत मित्र आ भागीदार अछि।”
ओतहि प्रधानमंत्री मोदी ऑस्ट्रियाक चांसलरकेँ गर्मजोशीसँ स्वागतक लेल धन्यवाद देलनि।
