मधुबनी जिलामे कुल दूटा लोकसभा सीट अछि, मधुबनी आ झंझारपुर। मधुबनी लोकसभा सीट पर कुल बारह टा उम्मीदवार ठाढ़ छल। एहि सीट पर बीजेपीसँ अशोक कुमार यादवक समक्ष आरजेडी केर मोहम्मद अली अशरफ फातमी मैदानमे छलाह। बीजेपी केर कुल 552705 वोट भेटल आ आरजेडी केर 400909 वोट भेटल। नोटा पर कुल 20691 वोट पड़ल। बीजेपी केर कुल मतदानक 53.85 प्रतिशत वोट आ आरजेडी केर 39.06 प्रतिशत वोट प्राप्त भेल।
झंझारपुर लोकसभा सीट पर दसटा उम्मीदवार ठाढ़ छल। एही सीट पर जनता दल (यूनाइटेड) केर रामप्रीत मंडलकेँ 533032 वोट भेटल जाहिमे पोस्टल वोट 894 पड़ल। एही सीट पर बीजेपी केर समक्ष विकासशील इंसान पार्टीकेँ उम्मीदवार सुमन कुमार महासेठ केर 348863 भेटल जाहिमे पोस्टल वोट 874 छल। आ नोटा पर 35928 वोट पड़ल। वोट प्रतिशतक बात कयल जाए तऽ बीजेपी केर 48.73% आ विकासशील इंसान पार्टीकेँ 31.90% वोट प्राप्त भेल। जनतब जे झंझारपुर सीट पर बहुजन समाज पार्टीक उम्मीदवार गुलाब यादवकेँ 6.76% केर संग 73884 वोट प्राप्त भेल आ पोस्टल वोट 352 वोट भेटल।
