कांग्रेस सांसद राहुल गांधी आगामी लोकसभा चुनावक लेल बुधदिन केरलक वायनाडसँ अपन नामांकन पत्र दाखिल कयलनि। नामांकनक दौरान राहुल गांधीक संग हुनकर बहिन आ कांग्रेस महासचिव प्रियंका गांधी वाड्रा सेहो छलीह।
राहुल गांधी एहि सीटसँ वर्तमान सांसद छथि। २०१९ केर चुनावमे ओ एतय चारि लाखसँ बेसी मतक भारी अन्तरसँ जीतल छलथि।
नामांकन दाखिल करबासँ पहिने कांग्रेस नेता राहुल गाँधी रोड शो कयलनि। रोड शोमे प्रियंका गाँधीक अतिरिक्त आ एआईसीसीक महासचिव के सी वेणुगोपाल आ दीपा दास, केरल प्रदेश कांग्रेस समितिक कार्यकारी अध्यक्ष एम.एम. वेणुगोपाल हसन सहित पार्टीक कतेको नेता उपस्थित छलथि।
रोड शोक दौरान लोकसभकेँ सम्बोधित करैत राहुल गाँधी कहलनि जे अहाँक क्षेत्रसँ सांसद बनब हमरा लेल सम्मानक बात अछि। हम अहाँकेँ मतदाता जकाँ नहिं मानैत छी आ ने अहाँक बारेमे एहन सोचैत छी। हम अहाँक संग ओहने व्यवहार करैत छी आ अहांक बारेमे सोचैत छी जेना हम अपन बहिन प्रियंका गाँधीक बारेमे सोचैत छी। राहुल गाँधी आगू कहलनि जे वायनाडक घरमे हमर बहिन, माता-पिता आ भाय छथि आ एहि लेल हम अहाँकेँ हृदयसँ धन्यवाद दैत छी।
वायनाडमे राहुल गाँधीक मुकाबला प्रदेश भाजपा अध्यक्ष के सुरेन्द्रन आ भारतीय कम्युनिस्ट पार्टी (भाकपा)क नेता एनी राजाक विरुद्ध अछि। केरलमे लोकसभा चुनावक लेल २६ अप्रैलकेँ मतदान होयत।
