एहिसँ पहिने भाजपा नेता स्मृति ईरानी उत्तर प्रदेशक अमेठीमे कांग्रेस नेता राहुल गाँधीकेँ पराजित कयने छलीह। आब वायनाडमे राहुल गाँधीकेँ केरल भाजपा नेता के सुरेन्द्रन चुनौती देलनि अछि।
आब ई देखब रोचक होयत जे राहुल गांधी स्थानीय नेताकेँ हरा सकैत छथि कि नहि ? लोकसभा चुनाव २०२४ मे कांग्रेस नेता राहुल गाँधीकेँ हाई-प्रोफाइल वायनाड निर्वाचन क्षेत्रमे केरल भाजपा प्रमुख के. सुरेन्द्रनसँ सामना करय पड़त। वायनाडकेँ कांग्रेसक गढ़ मानल जाइत अछि आ कांग्रेस पार्टी २००९सँ एतय लोकसभा चुनाव जीतैत आबि रहल अछि। राहुल गाँधी २०१९ मे एतयसँ लोकसभा चुनाव जीतबामे सफल रहलाह। मुदा, राहुलकेँ उत्तर प्रदेशक अमेठी सीट हारय पड़लनि। अमेठी कांग्रेस पार्टीक अजेय सीट मानल जाइत छल। अमेठीमे केन्द्रीय मंत्री स्मृति ईरानी राहुलकेँ पराजित करबामे सफल रहलीह।
एहि बेर हुनक प्रतिद्वंद्वी सुरेन्द्रन लग केरलक राजनीतिक परिदृश्यमे कांग्रेस-वाम बाइनरीकेँ चुनौती देबाक महत्वपूर्ण काज अछि। कांग्रेस आ वाम दुनू एक राष्ट्रीय गठबंधनमे अछि। मुदा, ओ सभ एहि दक्षिणी राज्यमे प्रतिद्वंद्वी सेहो बनल छथि। २०१९क आम चुनावमे सुरेन्द्रन पथानामथिट्टा निर्वाचन क्षेत्रमे कांग्रेस आ वाम दलक बाद तेसर स्थान पर रहलाह। ओ २०१६ केर विधानसभा चुनाव मंजेश्वरमसँ मात्र ८९ मतसँ हारि गेलाह। ओ २०१९ मे उपचुनाव सेहो लड़लनि मुदा हारि गेलाह। सुरेन्द्रनकेँ २०२० मे भाजपा केरल इकाईक प्रमुख नियुक्त कयल गेल छल आ ओ बरख पहिने सबरीमालामे युवा महिलासभक प्रवेशक विरुद्ध विरोध आ प्रदर्शनक चेहरा बनि गेल छलाह। भाजपा सुरेन्द्रनक नाम पाँचम उम्मीदवारक सूचीमे शामिल कयलक अछि। एहि सूचीमे अभिनेत्री कंगना रनौत आ कलकत्ता उच्च न्यायालयक पूर्व न्यायाधीश अभिजीत गंगोपाध्यायक नाम सेहो शामिल अछि। वायनाड केरलक तिरुवनंतपुरमक बाद केरलक दोसर सीट अछि जतय दूटा पैघ नेताक बीच मुकाबला होयत।
