मधुबनीक जिला शिक्षा पदाधिकारी निलंबित, आबंटित राशिमे दुरूपयोगक मामिला

मधुबनी समदिया
*

निदेशक प्रशासन अपर सचिव सुबोध कुमार चौधरी मधुबनी जिला शिक्षा पदाधिकारी राजेश कुमारकेँ कर्तव्यमे लापरवाही सहित विभिन्न कारणसँ निलंबित कऽ देलनि अछि। आदेश सेहो जारी कए देल गेल अछि। ओ अपन स्थान पर डीपीओ प्रतिष्ठान जावेद आलमकेँ डीईओ प्रभारी नियुक्त कयलनि। निदेशक प्रशासन सह अपर सचिव आदेशमे कहलनि अछि जे मधुबनी डीईओ केर प्रभारी बिहार संस्कृत शिक्षा बोर्डक सचिवकेँ निलंबित कऽ देल गेल अछि। फर्नीचर आ आधारभूत संरचना मद लेल आवंटित राशिक व्यय संतोषजनक नहिं पाबि प्रभारी डीईओ राजेश कुमारक विरुद्ध ई कार्रवाई कयल गेल अछि। एकर संगहि साँझक वीडियो कॉन्फ्रेंसिंगक बाद होबयवला पीपीटी प्रस्तुतिमे ओ सभ कतेको बेर अनुपस्थित पाओल गेल छथि। विभाग हुनकर कार्यकेँ कर्तव्यमे कोताही, उदासीनता आ उच्च प्राधिकरणक आदेशक अवहेलना मानलक अछि। एहि कारणेँ हुनका तत्काल प्रभावसँ निलम्बित कऽ देल गेल अछि आ निलम्बनक अवधिमे हुनक मुख्यालय उप निदेशक शिक्षा दरभंगा प्रमंडल दरभंगाकमे तैनात कयल गेल अछि। निलंबन अवधिमे राजेश कुमारकेँ मुख्यालयसँ निर्वाह भत्ता देल जायत। संगहि हुनकर स्थान पर डीपीओ स्थापना जावेद आलमकेँ डीईओ प्रभारी नियुक्त कयल गेल अछि। हुनका वित्तीय अधिकार सेहो देल गेल अछि। जारी आदेशमे कहल गेल अछि जे नियमित पोस्टिंग वा वैकल्पिक व्यवस्था पर ओ स्वचालित रूपसँ प्रभारी डीईओक पदसँ हटताह।