जिलाक जनताक लेल राहत आ नीक खबर अछि जतय पुलिस तत्काल अपहरण कयल गेल व्यक्तिकेँ अपराधीक चंगुलसँ 15 घंटाक भीतर मुक्त करा देलक।पुलिस अधीक्षक हिमांशु कुमार प्रेस कॉन्फ्रेंस कय उपरोक्त जानकारी बृहस्पति दिन देलनि। बुधदिन साँझमे महिषी थाना क्षेत्र अंतर्गत किछु अपराधी द्वारा एकटा व्यक्ति प्रभात कुमारक अपहरण केर सूचना थाना केर भेटल। ओहि जानकारीक आलोकमे, पुलिस अधीक्षकसँ प्राप्त निर्देशक अनुसार सदर अनुमंडल पुलिस अधिकारी आलोक कुमारक नेतृत्वमे एकटा विशेष टीमक गठन कयल गेल। गठित टीम तत्काल कार्रवाई करैत तकनीकी सहायता आ गुप्त जानकारीक आधार पर विभिन्न स्थान पर छापा मारलक। पुलिस छापामारीक कारण अपहरण कयल गेल व्यक्तिकेँ अपराधी सब अपन चंगुलसँ मुक्त कय देलक। अपहृतक पिता द्वारा देल गेल आवेदनक आलोकमे थानामे प्राथमिकी दर्ज कय घटनामे शामिल अपराधीकेँ गिरफ्तार करय लेल छापामारी कयल जा रहल अछि। एहि मामिलामे एखन धरि दूटा मोटरसाइकिल सेहो बरामद भऽ चुकल अछि। ओ कहलनि जे, जारी जांचक कारण अपराधीक नामक खुलासा नहिं भऽ रहल अछि। ओ कहलनि जे, एहि टीममे महिषी थाना अध्यक्ष अमरनाथ कुमार, पुलिस उप निरीक्षक श्वेत कमल, सुनील कुमार, जिला खुफिया इकाईक अधिकारी आ कर्मी आ महिषी थाना सशस्त्र बलक जवान एहिमे शामिल छलाह। ओतहि अपहृत प्रभात कुमार कहलनि जे, पुलिस अधीक्षकक विशेष कृपासँ हुनकर जान बचल अछि। अतः एसपी सरक प्रति आभार व्यक्त करैत छी। पुलिस अधीक्षक कहलनि जे उपरोक्त घटना कोन कारण भेल अछि। तकर जांच भऽ रहल अछि।
