जमीन विवादमे तीन गोटेकेँ चाकू मारलक एकटा गंभीर 

सीतामढ़ी समदिया

*

बाजपट्टी थाना क्षेत्रक पटदौरा गाममे जमीनक विवादमे भयंकर झगड़ा भेल। एहि दौरान तीनटा युवक केर चाकू मारलक, जे गंभीर रूप सँ घायल भऽ गेल। संगहि दूटा आंशिक रूपसँ घायल अछि। घायलक पहिचान पटडोराक निवासी बिल्टू रायक पुत्र नीरज कुमार, चन्द्रलोक कुमार आ विमलेश कुमारक रूपमे भेल अछि। गंभीर रूपसँ घायल नवीन कुमारकेँ मुजफ्फरपुरक एसकेएमसीएचमे भर्ती कयल गेल अछि। एहि संबंधमे बिल्टू रायक पत्नी नगीना देवी पुलिस स्टेशनमे प्राथमिकी दर्ज करौलनि। एखनि प्राप्त जानकारीक अनुसार गामक आरोपीक पहचान रोशन कुमार, वीरेन्द्र ठाकुर, राजा कुमार आ अभिषेक कुमारक रूपमे भेल अछि। आरोप अछि जे आरोपी नवीन कुमारकेँ चाकू मारलक आ घायल कऽ देलक। जखन नवीनक छोट भाय चन्द्रलोक आ गामक विमलेश घटनास्थल पर पहुँचल तखन आरोपी ओकरा सभकेँ सेहो चाकू मारलक। एहि घटनामे नवीन कुमारक पेटमे चाकू मारलासँ, हुनक आंत बाहर आबि गेल। हुनका इलाजक लेल अस्पतालमे भर्ती कराओल गेल । हुनकर हालत गम्भीर होयबाक कारणेँ डॉक्टर हुनका एसकेएमसीएच रेफर कऽ देलनि। बाजपट्टी थानाक प्रभारी पंकज कुमार कहलनि जे पुलिस आरोपी रोशन कुमारकेँ गिरफ्तार कऽ जेल पठा देलक अछि।