तीन सालक लम्बा प्रतीक्षाक बाद बीपीएससी शिक्षकसभकेँ स्थानान्तरण

नियोजित शिक्षककेँ योग्यता परीक्षामे उत्तीर्ण भेलाक बाद भेटत राज्यक कर्मचारीक दर्जा

*

भागलपुर समदिया

*

बीपीएससी शिक्षककेँ स्थानांतरणक बारेमे बड़का खबर सामने आयल। जिला शिक्षा अधिकारी संजय कुमार बतौलनि जे बीपीएससी शिक्षकक तबादला तीन साल धरि कतहु नहिं कयल जायत। राज्य कर्मचारीक नीतिक आधार पर हुनकालोकनिक स्थानान्तरण आ तैनाती सेहो कयल जायत। संगहि योग्यता परीक्षाक बाद नियोजित शिक्षककेँ स्थानांतरण पोस्टिंगक काज शुरू कैल जायत।

तीन सालक लम्बा प्रतीक्षाक बाद बीपीएससी शिक्षकसभकेँ स्थानान्तरण करबाक मौका भेटत। यानी तीन साल बाद बीपीएससीसँ चयनित पहिल चरणक 3503 शिक्षक आ दोसर चरण के 1967 शिक्षक के स्थानांतरण संभव होएत। ताबत धरि सभ शिक्षक ग्रामीण क्षेत्रमे रहताह।

जिला शिक्षा अधिकारी संजय कुमार कहलनि जे तीन साल धरि बीपीएससी शिक्षकक कतहु स्थानान्तरण नहिं होयत। स्थानान्तरण पोस्टिंग सेहो राज्य कर्मचारीक नीतिक आधार पर कयल जायत। संगहि योग्यता परीक्षाक बाद नियोजित शिक्षकक स्थानांतरण पोस्टिंग केर काज शुरू कैल जायत।

वर्तमानमे ग्रामीण क्षेत्रमे शिक्षकक प्रस्थानक कारण शहरी क्षेत्रमे शिक्षकक कमी अछि। भागलपुर शहरक नगर निगम क्षेत्रक बात करब तऽ एतय स्कूलमे ५० प्रतिशत शिक्षकक कमी भऽ गेल अछि।

शिक्षा विभागसँ भेटल जानकारीक अनुसार नियोजित शिक्षकक सूची तैयार कैल जा रहल अछि। विभागमे एकरा भेजल जएत। ओकर बाद सभ नियोजित शिक्षककेँ योग्यता परीक्षा देबय पड़त। जँ ओ उत्तीर्ण भऽ जाइत छथि तँ हुनका राज्यक कर्मचारीक दर्जा भेटत। तखन हुनकर स्थानान्तरण पोस्टिंग राज्य कर्मचारीक अनुसार कयल जायत।

विभागीय सूत्रक अनुसार जँ सभ किछु ठीक-ठाक चलैत अछि तँ नियोजित शिक्षकक स्थानान्तरण मार्चसँ शुरू भऽ जायत।