Skip to content
नई दिल्ली
*
रविदिन दिल्ली-एनसीआरमे कम दृश्यताक कारण १०० सँ बेसी उड़ान आ २२ ट्रेनमे देरी भेल, किएकतँ एहि क्षेत्रमे घनगर कुहेस छल।
भारतीय मौसम विज्ञान विभाग (आईएमडी) कहलक जे राष्ट्रीय राजधानीमे न्यूनतम तापमान ३.५ डिग्री सेल्सियस दर्ज कयल गेल, जे मौसमक औसतसँ चारि डिग्री कम छल।
रविदिन भोरमे दिल्लीमे घनगर कुहेस छलैक आ भोर ८ बजे सबसँ कम दृश्यता शून्य रहल, जखन कि पालममे सेहो भोर ५ बजे शून्य दृश्यता दर्ज कयल गेल।
भारतीय रेलवेक अनुसार, कुहेस आ शीतलहरक कारण कुल २२ ट्रेन घंटो देरीसँ चलि रहल अछि।
कुहेसक कारण दृश्यता किछु फीट धरि कम भऽ गेलाक कारणेँ सड़कपर यातायात बहुत धीमा छल।
एम्हर दिल्लीक कतेको क्षेत्रमे वायुक गुणवत्ता ‘गंभीर’ भऽ रहल, जाहिसँ मौसम कार्यालयकेँ वर्तमान जाड़ आ कुहेसक स्थितिक कारण रेड अलर्ट जारी करय पड़ल।
आईएमडीक पूर्वानुमान मंगल दिन धरि दिल्लीमे घना कुहेसक संकेत देलक अछि।
१२ जनवरीकेँ शहरकेँ मौसमक पहिल शीतलहर दिनक सामना करय पड़ल, जाहिमे तापमान ३•९ डिग्री सेल्सियस धरि खसि पड़ल। शनिक राति एखनि धरिक सभसँ अधिक ठंढ़ाक राति रहल। दिल्लीक महरौली-गुड़गांव रोड पर अंतिम गाम आयानगरमे सीजनक सभसँ कम तापमान ३ डिग्री दर्ज कयल गेल।
