स्विस राष्ट्रपतिकेँ पीएम मोदीक खास उपहार, भारतीय विरासत आ नव पहिचानक झलक
नई दिल्ली । समदिया
प्रधानमंत्री नरेंद्र मोदी स्विट्जरलैंडक राष्ट्रपति गाइ पार्मेलिनकेँ भारतक समृद्ध विरासत आ आधुनिक पहिचान दर्शाबैत विशेष उपहार भेंट कएलनि। एहिमे भारतक अलग-अलग क्षेत्रक अवॉर्ड विजेता चीज आ कश्मीरक पारंपरिक काष्ठ शिल्प शामिल अछि।
गुलमर्गक फ्रेंच-स्टाइल ब्री चीजकेँ 2026 मे ब्राजीलक वर्ल्ड चीज अवॉर्ड्समे सुपर गोल्ड पुरस्कार भेटल अछि। ओतहि ओडिशाक कोणार्कक फ्रेंच टॉमी-स्टाइल चीज केँ 2023 मे गोल्ड आ 2025 मे स्विट्जरलैंडमे सिल्वर मेडल भेटल छल। महाराष्ट्रक येऊरक माउंटेन-स्टाइल चीज स्विस ग्रुयेरेसँ प्रेरित अछि आ करीब आठ-नौ मास धरि पकाओल जाइत अछि।
पीएम मोदी स्विस राष्ट्रपतिकेँ कश्मीरी अखरोटक लकड़ीसँ बनल हाथसँ नक्काशीदार वॉल पैनल सेहो भेंट कएलनि। एहि पर कश्मीरक पारंपरिक जीवन, फूल-पत्ती, घोड़ा, बग्घी आ ग्रामीण दृश्य उकेरल गेल अछि।
एकर अतिरिक्त गुजरातक समृद्ध हस्तशिल्प परंपराक प्रतीक कच्छी शॉल आ सूरतक प्रसिद्ध सादेली बॉक्स सेहो उपहारमे देल गेल। एहि उपहार सभक माध्यमसँ भारतक विविध सांस्कृतिक विरासत, स्थानीय शिल्प आ बदलैत वैश्विक पहिचानक झलक भेटैत अछि।
