राहुल गांधी सड़कक फोटो देखाय अधिकारीसँ पूछलनि तीक्ष्ण सवाल

रायबरेली । समदिया

दिशा बैठकमे कांग्रेस सांसद राहुल गांधी रायबरेलीक जर्जर सड़कक फोटो मोबाइल आ प्रिंट आउटमे देखबैत सरकार आ अधिकारीसभक कार्यशैली पर सवाल उठौलनि। ओ कैबिनेट मंत्री डॉ. मनोज कुमार पांडेयकेँ दरीबा-सँ-कठघर मार्गक बदहाल सड़कक तस्वीर देखौलनि।

राहुल गांधी पीडब्ल्यूडी अधिकारी आ जिलाधिकारीसँ पूछलनि जे सरकार जखनि सड़क लेल फंड दऽ रहल अछि, तखनि सड़कक हालत एतेक खराब किएक अछि ? जिम्मेदार अधिकारी की कऽ रहल छथि ? तस्वीर देखला पर मंत्री सेहो किछु क्षण लेल हैरान रहि गेलाह।

प्रधानमंत्री ग्राम सड़क योजनाक तहत बनल एहि मार्गमे जगह-जगह गड्ढा भऽ गेल अछि। स्थानीय लोकक अनुसार सड़कक खराब अवस्थासँ आवागमनमे भारी परेशानी भऽ रहल अछि।

बैठकमे अमेठीक सांसद किशोरी लाल, विधायक मनोज पांडेय, राज्य मंत्री दिनेश प्रताप सिंह सहित अधिकारीसभ मौजूद छलाह। मंत्री मनोज पांडेय कहलनि जे पछिला पाँच वर्षमे रायबरेलीमे करीब 16 हजार छोट-बड़ सड़कक निर्माण भेल अछि।