जँ ईरान होर्मुजमे कयलक जहाज पर हमला, तँ उड़ा देब पूल वा पावर प्लांट : ट्रंप

नई दिल्ली। समदिया

अमेरिकाक राष्ट्रपति डोनाल्ड ट्रंप ईरानकेँ होर्मुज जलडमरूमध्यमे कोनो भी अमेरिकी जहाज पर हमला करय केर गंभीर परिणाम भुगतबाक चेतावनी देलक अछि। राष्ट्रपति ट्रंप ट्रुथ सोशल पर कहलनि जँग ईरान मिसाइल, रॉकेट, ड्रोन वा कोनो  अन्य हथियारक इस्तेमाल कय कोनो जहाज पर हमला करैत अछि, तँ अमेरिका ईरानकेँ एक पुल वा बिजली संयंत्रकेँ नष्ट कय देत। एही कार्यवाहीमे तेहरान शहर लग वा भीतर स्थित संरचना सेहो शामिल भ सकैत अछि।

इ चेतावनी एहन समयमे आयल अछि, जखनि पश्चिम एशियामे ईरान आ अमेरिकाक बीच तनाव लगातार बढ़ि रहल अछि। होर्मुज जलडमरूमध्य, जे वैश्विक तेल आपूर्तिक लेल एक महत्वपूर्ण मार्ग अछि, एही दुनू देशक बीच टकरावक एक संभावित केंद्र बनल अछि।

जनतब दी जे राष्ट्रपति ट्रंपक बयानसँ इ स्पष्ट होयत अछि कि अमेरिका ईरान दिससँ कोनो प्रकारक आक्रामकताकेँ बर्दाश्त नहि करत आ ओकर जवाबमे कठोर कार्यवाही करत। एही चेतावनीक उद्देश्य ईरानकेँ कोनो भी प्रकारक सैन्य दुस्साहससँ  रोकबाक अछि, खासकय ओहि क्षेत्रमे जे वैश्विक अर्थव्यवस्था लेल बेसी महत्वपूर्ण अछि।

एही कड़ा रुखसँ क्षेत्रमे पहिनेसँ अस्थिरताक माहौल आओर बढ़ि सकैत अछि। इ देखनाइ महत्वपूर्ण होयत कि ईरान एही चेतावनी पर केहन प्रतिक्रिया दैत अछि आ की इ तनावकेँ कम करयमे सहायक होयत अछि आ की स्थितिकेँ आओर बेसी जटिल बनबैत अछि।

जनतब दी जे अमेरिका लगातार 11म दिन ईरान पर हमला कयलक अछि। एही हमलामे बुशेहर परमाणु ऊर्जा संयंत्र आ होर्मुज जलडमरूमध्यमे स्थित लारक द्वीपक संग-संग तब्रीज आ चाबहारमे विस्फोटक खबरि सामने आयल अछि।ईरान सेहो जॉर्डन आ बहरीनमे अमेरिकी सैन्य ठिकाना पर जवाबी हमलाक दावा कयलक अछि।