भारतक पहिल प्रदूषण मुक्त नमो ग्रीन ट्रेन’केँ काल्हि प्रधानमंत्री देखौलनि हरियर झंडा

जिंद।  समदिया

भारतीय रेलवेक इतिहासमे एकटा नव अध्याय जोड़ल गेल अछि। प्रधानमंत्री नरेंद्र मोदी हरियाणाक जिंद रेलवे स्टेशनसँ देशक पहिल हाइड्रोजन संचालित यात्री ट्रेनकेँ झंडा देखा देलनि। उद्घाटनक लेल ट्रेनकेँ फूल आ गुब्बारासँ सुन्दर सजाओल गेल छल। ई अत्याधुनिक ट्रेन जिंद-सोनीपत रेल खंड पर नियमित रूपसँ चलत। समाचार एजेंसी आईएएनएससँ बात करैत हाइड्रोजन ट्रेन पर सवार एगो छात्र कहलनि कि एही हाइड्रोजन ट्रेनसँ प्रदूषण नहि होयत अछि, एकर नाम सेहो ‘नामो ग्रीन ट्रेन’ राखल गेल अछि। हमरा सभ लेल ई बहुत गर्वक बात अछि कि इ भारतक पहिल प्रदूषण मुक्त ट्रेन अछि, एकरा झंडा देखाबय आ एकर उद्घाटनसँ हमरा सभकेँ गर्व महसूस भ रहल अछि। एकटा शिक्षक कहलनि जे, हमर बच्चा सभ लेल ई सौभाग्य अछि जे हमरा एहि ऐतिहासिक क्षणक गवाह बनबाक मौका भेटल अछि।

हाइड्रोजन ट्रेन केर ट्रेन मैनेजर नितिन पारिख बतैलनि, “ई दुनियाक सबसँ पैघ हाइड्रोजन संचालित ट्रेन आ सभ प्रदूषण मुक्त अछि। ई हाइड्रोजनसँ चलैत अछि आ खाली पानी छोड़ैत अछि, कोनो तरहक प्रदूषण नहि। हम इलेक्ट्रिक, डीजल आ सीएनजी ट्रेनक ट्रायल सफलतापूर्वक कय चुकल छि, मुदा ई अपन तरहक पहिल हाइड्रोजन ट्रेन अछि जाहिमे 10 कोच अछि।”