लाखों बिहारक शिक्षक लेल पैघ राहत, शिक्षा विभाग स्थानांतरण कार्यक्रम जारी कयलक

पटना। समदिया

बिहारमे शिक्षकक लेल महत्वपूर्ण खबरि अछि जे शिक्षा विभाग शिक्षक स्थानांतरणक कार्यक्रम जारी कयलक अछि। इच्छुक शिक्षक 29 जुलाईसँ 5 अगस्त धरि ऑनलाइन आवेदन कय सकैत छथि आ 31 अक्टूबर धरि स्थानांतरण प्रक्रिया पूरा भ जाएत।

बिहारमे ओहि शिक्षकक लेल ई स्वागत योग्य खबरि अछि जे बहुत दिनसँ ट्रांसफर आओर पोस्टिंगक इंतजारमे छथि। शिक्षा विभाग स्थानांतरण कार्यक्रम जारी कय एहि प्रक्रिया लेल अस्थाई तिथि निर्धारित कयलक अछि।

बिहारमे शिक्षक काफी दिनसँ ट्रांसफर कय इंतजारमे छलाह। शिक्षा विभाग शुक्रदिन कार्यक्रम जारी कयलक अछि। इच्छुक शिक्षककें लेल स्थानांतरण, राज्यकें 6 लाख शिक्षकमे सँ 29 जुलाईसँ 31 अक्टूबरकें बीच कयल जायत। स्थानांतरण पोर्टल 29 जुलाईकें खुजतय आ शिक्षक 5 अगस्त धरि अपन आवेदन जमा कय सकैत अछि।

शिक्षा विभाग द्वारा जारि अनुसूचीक अनुसार शिक्षकक युक्तिकरण आपसी स्थानांतरण आ सामान्य स्थानांतरणक प्रक्रिया तीन चरणमे पूरा होयत। स्थानांतरणक लेल ऑनलाइन पोर्टल 29 जुलाईसँ खुजत, जाहिसँ शिक्षक 5 अगस्त तक आवेदन क सकय छथिन्ह.एहि दौरान युक्तिकरण आओर आपसी स्थानांतरण के लेल आवेदन स्वीकार कएल जाएत। जारी कार्यक्रमक अनुसार युक्तिकरण प्रक्रिया 7 अगस्तसँ 9 सितंबर धरि पहिल चरणमे पूरा भ जायत। एहि अवधिमे सूचीक प्रकाशन, अपील प्रक्रिया आ अपीलक समाधान शामिल होयत। दोसर चरणमे 10 सँ 14 सितंबर तक आपसी स्थानांतरणक प्रक्रिया जिला, संभागीय आ राज्य स्थापना समिति द्वारा पूरा कयल जाएत।

सामान्य स्थानांतरण प्रक्रिया तेसर आ अंतिम चरणमे होयत। सामान्य स्थानांतरणकें लेल स्कूलवार रिक्तिककें संशोधित सूची 16 सितंबरकें प्रकाशित कयल जायत। तकर बाद शिक्षक 17 सितंबरसँ 23 सितंबरकें बीच अपन पसंदकेँ आधार पर स्कूलकें चयन करत सामान्य स्थानांतरणकें लेल आवेदन कय सकय छथि। विभाग द्वारा जारि अनुसूचीकें अनुसार, सभटा जिला, संभागीय आ राज्य स्थापना समिति निर्धारित समय सीमाकें भीतर आवश्यक कार्यवाही पूरा करत आ कोनों प्राप्त अपीलकें सेहो समय पर निपटारा कयल जायत। शिक्षा विभाग सभ पात्र शिक्षकसँ आग्रह कयलक अछि जे ओ निर्धारित समय सीमामे आवेदन जमा करथि आ विभागीय दिशा निर्देशक पालन करथि। विभाग स्पष्ट कयने अछि जे पूरा स्थानांतरण प्रक्रिया ऑनलाइन आ पारदर्शी तरीकासँ कयल जाएत।

ध्यान देबऽ वला बात एही अछि कि शिक्षा मंत्री मिथिलेश तिवारी हालमे कहलक कि शिक्षक स्थानांतरण प्रक्रिया जुलाईमे शुरू भ जायत। राज्य मंत्रिमंडल 24 जूनकेँ शिक्षक स्थानांतरण नीति कय मंजूरी द देने छल आब लगभग 6 लाख शिक्षककेँ  काफी राहत दैत सरकार स्थानांतरण कार्यक्रम जारी कय देलक अछि।

पोर्टल पर आवेदन (समायोजन/आपसी स्थानांतरण): 29 जुलाईसँ 5 अगस्त धरि, समायोजन/तर्कीकरण प्रक्रिया : 7 अगस्तसँ 9 सितम्बर धरि, आपसी स्थानांतरण : 10 सँ 14 सितम्बर, संशोधित रिक्त पदोंक प्रकाशन : 16 सितम्बर, सामान्य स्थानांतरणक लेल आवेदन : 17 सँ 23 सितम्बर धरि आ सामान्य स्थानांतरण सूची, अपील आ संकल्पक प्रकाशन : 24 सितम्बरसँ 31 अक्टूबर धरि होयत।