हम आब मात्र धर्मक रक्षा लेल काज करब : दिग्विजय सिंह

भोपाल। समदिया

मध्य प्रदेशक पूर्व मुख्यमंत्री दिग्विजय सिंह राजनीति केर बजाय धर्मक रक्षाक लेल काज करय केर घोषणा कयलनि। ओ पहिने उज्जैनसँ अयोध्या धरि पदयात्रा करबाक योजनाक घोषणा कयने छलाह। आब ओ बयान देने छथि जे हुनक प्रयास राजनीति नहि, धर्मकेँ कायम रखबामे समर्पित रहत। दिग्विजय सिंह कहलनि जे ओ 80 वर्षक भ गेल छथि, पार्टी पहिने हुनका पांच बेर विधायक चुनने छल आ दू-दू बेर लोकसभा आ राज्यसभामे पठा देने छल। एहि बेर ओ पार्टीसँ कहने छलाह जे मौका ककरो दोसरकेँ दियौ। अपन रुखकेँ स्पष्ट करैत पूर्व मुख्यमंत्री एही बात पर जोर देलनि कि हुनक यात्रा धर्मक रक्षा लेल समर्पित अछि, सेवा करय केर हुनक इरादा अछि आ ओ राजनीति नहि करताह। ओ सोशल मीडिया पर कोनो राजनीतिक बयान नहि देब आ नहि राजनीतिक प्रतिक्रिया व्यक्त करब बतौलनि। जखन हुनकासँ पूछल गेल जे की उज्जैनसँ अयोध्या धरि हुनक मार्चमे शामिल हेबा लेल कोनो राजनीतिक नेताकेँ आमंत्रित कयल जायत तँ ओ स्पष्ट रूपसँ कहलथि जे हम ककरो नहि बजायब। ओना संतोष दुबे अयोध्याक कार सेवक जिनका चारि गोली लागल छल केँ अपन मुख्य अतिथि बनय लेल आमंत्रित करताह।

जनतब अछि जे पूर्व मुख्यमंत्री दिग्विजय सिंह दशहराक अवसर पर उज्जैनसँ अयोध्या धरि ई यात्रा करय वला छथि।  हुनक कहब अछि कि ई मार्च पूर्णतः अराजनैतिक होयत।