सिन्धु जल संधिक स्थिति अपरिवर्तित : विदेश मंत्रालय, भारत
नई दिल्ली। समदिया
भारत सरकार सिन्धु जल संधिक मुद्दाक संबंधमे कड़ा जवाब देलक अछि, जाहि केर मुद्दा पाकिस्तान बारम्बार उठैलक। शुक्रदिन विदेश मंत्रालय पड़ोसी देशकेँ चेतावनी देलक कि पाकिस्तानक सीमा पारसँ आतंकवादकेँ समर्थन भरोसेमंद आ पक्का तौर पर छोड़े पडत।
एमईए केर प्रवक्ता रणधीर जायसवाल कहलनि कि सिंधु जल संधि पर भारतक स्थिति अपरिवर्तित अछि। पाकिस्तान केर सीमा पारसँ आतंकवादक लगातार समर्थनक कारण ई संधि अखनि निलंबितक स्थितिमे अछि। जँ पाकिस्तानकेँ एही मामिला पर आओर बातचीतक इच्छा अछि तँ ओकरा सीमा पारसँ आतंकवादक समर्थन पूरा तरहेँ आ स्थायी रूपसँ बंद करबाक चाहि।
एमईए केर प्रवक्ता रणधीर जायसवाल बतैलनि कि भारत वेनेजुएलामे जहाज पर ड्यूटीक दौरान अपन जान गंवा देलक, भारतीय समुद्री यात्री राकेश चौहान केर शवसँ कथित छेड़छाड़ आ अंग हटाबय केर मामिलाकेँ वेनेजुएला सरकारक समक्ष उठाओल गेल अछि। भारत ओहि ठामक सरकारसँ आग्रह कयलक अछि जे ओ एहि घटनाक शीघ्र आ निष्पक्ष जांच करथि।
तीस्ता नदी परियोजनाक संबंधमे प्रवक्ता रणधीर जायसवाल कहलनि कि भारत दूनू राष्ट्र केर आपसी सहमतिसँ बनल रोडमैपक आधार पर सहायता दैत अछि, जाहि केर नियमित समीक्षा कयल जायत अछि। भारत तीस्ता नदी परियोजना पर अपन विचार बांग्लादेश धरि पहुंचा चुकल अछि। एहि मुद्दा पर भविष्यक नीति बनेबा काल सभटा प्रासंगिक पहलूकेँ ध्यानमे राखल जाएत।
ईरानक दिवंगत सर्वोच्च नेता अयातुल्ला अली खामेनेई केर अंतिम संस्कार लेल भेजल गेल भारतीय प्रतिनिधिमंडलक बारेमे रणधीर जायसवाल कहलनि कि लेफ्टिनेंट जनरल (सेवानिवृत्त) सैयद अता हसनैन आ विदेश राज्य मंत्री पबित्र मार्गेरिटा आइ तेहरान गेलथि। सर्वोच्च नेता केर निधनक बाद आयोजित अंतिम संस्कार समारोहमे ई सभ भारतक प्रतिनिधित्व करताह। प्रवक्ता रणधीर जायसवाल कहलनि कि अफगानिस्तानक संबंधमे हम पाकिस्तान द्वारा कयल गेल हवाई हमलाक कड़ा निंदा कयल गेल अछि, जाहिमे महिला आ बच्चा सहित बहुत नागरिकक जान चलि गेल। हम सभ एहि अनमोल जानक क्षति पर शोक व्यक्त कयलहुं। एकर संग हम अफगानिस्तान केर क्षेत्रीय अखंडता आ संप्रभुताकेँ मजबूत समर्थन दोहरेलौं। रहल बात अफगानिस्तानकेँ देल जा रहल समर्थनक तँ हमर मानवीय सहायता जारी अछि, हम सभ हुनका सभकेँ दवाई लेल संग-संग अन्य तरहक सहायता सेहो भेजैत आबि रहल छी।
