पीएम मोदी स्वतंत्रता दिवसमे भाग लेबय लेल पहुँचलाह सेशेल्स, राष्ट्रपति द्वारा भव्य स्वागत

नई दिल्ली।  समदिया

प्रधानमंत्री नरेंद्र मोदी तीन दिनक यात्रा पर सेशेल्स पहुंचल छथि। सेशेल्सक राष्ट्रपति डॉ. पैट्रिक हर्मिनी प्रधानमंत्रीके स्वागत कयलनि। पीएम मोदी सेशेल्स केर राष्ट्रपति केर गर्मजोशीसँ स्वागत लेल आभार व्यक्त कयलनि। पीएम मोदीकेँ ओतय देखि भारतीय समुदायक सदस्य उत्साहित देखा पड़लाह, प्रधानमंत्री हुनका सभसँ भेंट कय हाथ मिलाकय हुनक अभिवादनकेँ  स्वीकार कयलनि। सेशेल्स पहुँचलाक बाद पीएम मोदी सोशल मीडिया प्लेटफॉर्म एक्स पर एगो अपडेट शेयर करैत लिखलनि, “हवाई अड्डा पर गर्मजोशीसँ स्वागत करय लेल डॉ. पैट्रिक हर्मिनीकेँ बहुत बहुत धन्यवाद। सेशेल्स एगो मूल्यवान समुद्री भागीदार आ हिंद महासागरमे एगो करीबी दोस्त अछि। एहिसँ पहिने जखन समाचार एजेंसी आईएएनएस सेशेल्स केर पर्यटन आ संस्कृति मंत्री अमांडा बर्नस्टीनसँ पूछलनि जे की भारत सेशेल्स लेल एकटा प्रमुख पर्यटन बाजारक रूपमे उभरि रहल अछि आओर जँ पीएम मोदीक एहि यात्रासँ भारतीय पर्यटकक संख्या आओर बढ़ि जाएत तँ। ओ कहलनि जे “हं, हमरा सभकेँ निश्चित रूपसँ ई उम्मीद करबाक चाही। हम सभ हिंद महासागरकेँ साझा करैत छी। हम सभ एहि क्षेत्रमे साझेदार छी आओर हमरा लगैत अछि जे, जँ एहि बातसँ अनभिज्ञ छी जे हम सभ कतेक नजदीक छी, हम सभ मात्र चारि घंटाक दूरी पर छी भारत सँ।”

ओ आगू कहलनि, “हम बहुत करीब छि। हम वीजा फ्री डेस्टिनेशन सेहो छि, जाहिसँ हमर मानब अछि कि ई लोककेँ इ देखाबयमे मदति करत कि सेशेल्स केर दौरा करय आ हमर क्रियोल संस्कृतिक अनुभव करय, जे कतेक शानदार अवसर अछि, एक एहन संस्कृति जे भारतीय तत्वसँ गहराईसँ प्रभावित अछि आ ओकरामे शामिल अछि। हुनका लेल एतय बहुत किछु अछि जाहिसँ हुनक सराहना करय आ देखय लेल बहुत किछु अछि।”

प्रधानमंत्री नरेंद्र मोदी केर आगमनसँ पहिने हुनक स्वागत लेल ब्यू वैलन आ विक्टोरिया केर विभिन्न स्थान पोस्टर आ भारतीय तिरंगा लगा देल गेल। सेशेल्स लेल रवाना होयसँ पहिने पीएम मोदी सोशल मीडिया प्लेटफॉर्म एक्स पर लिखलनि कि, “हम सेशेल्स लेल रवाना भ रहल छि, जतय हम हुनक राष्ट्रीय दिवस समारोहमे भाग लेब। ई साल आओर खास अछि, कारण एही  साल स्वर्ण जयंती मनाबय केर मौका अछि।”

जनतब देब जे पीएम मोदी शनिदिन शुरू होबय वला तीन दिनक राजकीय यात्रा पर सेशेल्स पहुंचल छथि। ओ देशक राष्ट्रीय दिवसक स्वर्ण जयंती समारोहमे मुख्य अतिथिक रूपमे भाग लेताह। सेशेल्स केर स्वतंत्रता दिवस हर साल 29 जूनकेँ मनाओल जायत अछि, सेशेल्सकेँ 29 जून, 1976मे ब्रिटिश शासनसँ मुक्ति भेटल छल। एही दिनकेँ एगो प्रमुख राष्ट्रीय सार्वजनिक छुट्टीक रूपमे मनाबैत अछि, जाहिमे झंडा प्रदर्शन, आतिशबाजी आ सांस्कृतिक आयोजनक संग लाइव आयोजन होयत अछि।