भरत तिवारीक पोस्टमार्टम रिपोर्टमे खुलासा भेल जे “एक-दू टा नहि, पाँचटा गोली लागल छल”
आरा। समदिया
भरत तिवारी मुठभेड़ मामिलामे एकटा चौंकाबय वला खुलासा सामने आयल अछि। पुलिसक दावाक विपरीत परिवार दावा सही पाओल गेल। भरत केर पोस्टमार्टम रिपोर्टसँ पता चलल कि हुनका तीन गोली नहि, पाँच गोली लागल छल। चारिम गोली बाहरी कातसँ दहिना जाँघमे प्रवेश करैत भीतर दिस बढ़ल। एकर अलावा पाँचम गोली बायां पैर केर बीचोबीच लगैत पाछूसँ टकरा गेल।
भरत तिवारीक हाई प्रोफाइल मुठभेड़ मामिलामे एकटा पैघ खुलासा सामने आयल अछि। पोस्टमार्टम रिपोर्टसँ एहि बातक पुष्टि भेल अछि जे भरत तिवारीकेँ मात्र एक दू गोली नहि, पांच गोली लागल छल। रिपोर्टक अनुसार पहिल गोली बामा जांघक ऊपरी हिस्सामे आगूसँ लागल। दोसर गोली बामा जाँघक बीचक भागक भीतरक कातमे लागल। तेसर गोली दहिना जाँघक बीचक भागक भीतरक भागमे लागल। ध्यान देबऽ वला बात ई अछि कि भरत केर परिवार सेहो हुनका पाँच गोली लागल से दावा कयने छल।
समाचार एजेंसी आईएएनएस केर रिपोर्टक अनुसार पोस्टमार्टम रिपोर्टमे आगू कहल गेल अछि कि चारिम गोली बाहरी दिससँ दाहिना जांघमे प्रवेश कय भीतर दिस बढ़ल। एकर अलावा पाँचम गोली बायां पैर केर बीचोबीच भाग पर लगैत पाछूसँ टकरा गेल। भारत तिवारीक कथित फर्जी मुठभेड़केँ ल कय कतेको दिनसँ राजनीतिक आ सामाजिक तनाव चलि रहल अछि। विपक्ष सरकार पर हमलावर अछि आ एहि मामिलाक निष्पक्ष जांचक मांग करैत आबि रहल अछि। एहि बीच उपमुख्यमंत्री सम्राट चौधरी स्पष्ट कय देलथि अछि जे एहि घटनामे दोषी पाओल गेल लोककेँ नहि बख्शल जायत। सरकार भोजपुरक घटनाकेँ गंभीरतासँ लेलक अछि आ न्याय सुनिश्चित करय लेल तुरंत न्यायिक आयोगक गठनक फैसला कयलक अछि। जनतब दी जनमानसमे एही घटनाक खिलाफ देशभरिमे आक्रोश अछि। एही एनकाउंटरकेँ सभ कियो हत्या मानैत अछि आ बिहार सरकारकेँ दोषी।
