भारत तिवारी मुठभेड़ केसमे नव मोड़
आरा। समदिया
भोजपुर जिलाक शाहपुर थाना क्षेत्रक अंतर्गत बिलौटी गामक निवासी भरत तिवारी मुठभेड़ मामिलामे एकटा नव मोड़ आयल अछि। प्रारंभिक इलाज करय वला चिकित्सक डॉ. एम.एच. अंसारी दावा कयलनि जे भरत तिवारीक पैर आ शरीरक निचला हिस्सामे चारिसँ पांच गोली लागल छल। डॉक्टरक बयानक बाद मामिलाक निष्पक्ष जांचक मांग तेज भ गेल अछि।
आरा केर सदर अस्पतालक सर्जन डॉ. एम.एच. अंसारी वीडियो बयानमे बतौलनि कि गोली लगलाक बाद भरत तिवारीकेँ इलाज लेल अस्पताल आनल गेल छल। जांचक दौरान हुनक शरीरक पैर आ निचला हिस्सेमे गोली लगलाक निशान भेटल छल। डॉ. अंसारीक मुताबिक जखनि भारत तिवारीकेँ अस्पताल आनल गेल तहन हुनक ब्लड प्रेशर आ पल्स काफी कम छल आ हालत बेहद गंभीर बनल छल। प्राथमिक उपचारक बाद बेहतर इलाज लेल हुनका पटना रेफर कयल गेल छल।
डॉक्टर कहनाय छनि जे भरत तिवारीकेँ चारिसँ पांच गोलीक चोट लागल छल, जे सभटा हुनक पैर आ शरीरक निचला हिस्सा पर छल। एहि बयानसँ एक बेर फेर मुठभेड़क परिस्थिति पर सवाल उठल अछि।
भरत तिवारी केर मृत्युकक बादसँ हुनक परिवार पुलिसक हरकत पर सवाल उठाबैत अछि, जाहिमे ई आरोप लागाओल गेल अछि कि ई फर्जी एनकाउंटर छल। एम्हर पुलिसक कहना अछि जे हुनक ई हरकत जायज छल। निष्पक्ष जांचक मांग तेज भ रहल अछि, विभिन्न राजनीतिक दलक नेता शोक संतप्त परिवारसँ भेंट कय न्यायक आह्वान करैत छथि। डॉक्टरक बयानक बाद आब ई मामिला फेरसँ चर्चामे आबि गेल अछि।
