वैभव सूर्यवंशीक तूफानी पारीमे उड़ल श्रीलंका, भारत फाइनलमे 66 रनसँ जीतलक ट्राई सीरीज

नई दिल्ली। समदिया
पहिने बल्लेबाजी करैत इंडिया-ए 50 ओवरमे कुल 377 रन बनौलक। एकर जवाबमे श्रीलंका ए टीम खाली 311 रन बना सकल। वैभव सूर्यवंशी भारत केर जीतक नायक छलथि, जाहिमे महज 29 गेंद पर 94 रनक तूफानी पारी खेललनि। भारत ट्राई सीरीज जीत कय फाइनल मैचमे 66 रनसँ जीत हासिल कय लेलक अछि। भारत ए आ श्रीलंका ए केर बीच फाइनल एकतरफा मामिला निकलल। पहिने बल्लेबाजी करैत इंडिया ए 50 ओवरमे 9 विकेट पर 377 रन बनैलक, जखनि कि श्रीलंका ए मात्र 311 रन धरि पहुँचल। गेंदबाजीक मोर्चा पर यश ठाकुर आ विप्रज निगम तीन-तीन विकेट लेलनि।भारतक दिससँ प्रियांश आर्य आरू वैभव सूर्यवंशी 8.5 ओवरमे 132 रनक शुरुआती साझेदारी साझा कयलनि। प्रियांश आर्य 29 गेंद पर 39 रन बनबैत 6 चौका आ एक छक्का मारलनि। वैभव सूर्यवंशी 29 गेंद पर 94 रन बनौलनि, जाहिमे 10 चौका आ 8 छक्का जड़लनि। ऋतुराज गायकवाड़ 40 रनक योगदान देलनि। कप्तान तिलक वर्मा सेहो अर्ध शतक बनैलनि, जाहिमे 90 गेंद पर 67 रनक पारी खेललनि, जाहिमे 4 चौका आ एकटा छक्का शामिल छल। ओतहि कुमार कुशाग्रा (36), सूर्यंश शेडज (2), निशांत सिंधु (16) आ विप्रज निगम (27) रन बना के पवेलियन पहुँचलथि। अंतमे अनुकुल राय महज 15 गेंद पर 39 रन केर धमाकेदार पारी खेललनि। एहि तरहें इंडिया-ए 377 रनक भारी कुल स्कोर बनेलक। एकर जवाबमे श्रीलंका केर टीम 47.1 ओवरमे मात्र 311 रन बना सकल। निरोशन डिकवेला 25, अविष्का फर्नांडो 03, नुवांडु फर्नांडो 21, सदीरा समराविक्रमा 52, सहन अरचिंगे 38, रविंडु फर्नांडो 19, विजयाकांत व्यासकांत 39, मोहम्मद शिराज 21 आ दुलज समुधिता 15 रन बनाकर आउट भेलथि। भारतसँ भेटल पहाड़ जँका स्कोरक सामने श्रीलंकाई टीम पूरा 50 ओवर नहि खेल सकल।