ममताक लेल एकटा आओर झटका, पूर्व मंत्री जेपी मल्लिक पार्टी छोड़ि देलनि

कोलकाता। समदिया

पश्चिम बंगाल केर पूर्व मंत्री ज्योति प्रिया मल्लिक काल्हि शुक्रदिन टीएमसीक सभ पदसँ इस्तीफा दै केर घोषणा खराब स्वास्थ्यक हवाला दैत कयलनि। अपन इस्तीफा सार्वजनिक करैत पूर्व मंत्री कहलनि जे, ओ अपन फैसलाक बारेमे पार्टी नेतृत्वकेँ पहिनेसँ सूचित कय चुकल छथि। ओ आगू कहलनि जे, हम अपन अत्यंत खराब स्वास्थ्यक कारण टीएमसीक सभ पदसँ इस्तीफा दैत छी।

इ घटनाक्रम टीएमसी द्वारा संगठनमे पैघ फेरबदल आ मल्लिककेँ नव वर्किंग कमेटीमे शामिल करय केर किछु दिन बाद भेल अछि। बता दी जे मल्लिककेँ ममता बनर्जीक बेहद खास मानल जायत रहल अछि। ओ ममता सरकारमे एक दशक धरि अहम मंत्रालय संभालनि। मल्लिक 2011 सँ 2021 धरि राज्यक खाद्य एवं आपूर्ति मंत्री छलथि।

हालांकि एहन नहि अछि कि मल्लिककेँ कोनो कठिनाइक सामना नहि करय पड़ल। अक्टूबर 2023मे कथित राशन वितरण घोटालेक सिलसिलामे प्रवर्तन निदेशालय द्वारा गिरफ्तार भेलाक बाद हुनक राजनीतिक करियरकेँ पैघ झटका लागल छल। गिरफ्तारीक बाद मल्लिक बेर-बेर स्वास्थ्य संबंधी दिक्कतक हवाला देलनि आ हिरासतमे रहैत चिकित्सकीय जांच भेल। आब  हुनक इस्तीफाक बादसँ चर्चा तेज अछि।