स्कूलमे एहन व्यवस्था करब कि सभ कोचिंग सेंटर बंद भ जायत : मुख्यमंत्री सम्राट चौधरी

गयाजी। समदिया

गयामे सीएम सम्राट चौधरी मॉडल स्कूलक माध्यमसँ कोचिंग सिस्टमकेँ समाप्त करबा, ₹5 लाख करोड़क निवेशकेँ आकर्षित करबा आ बिहारमे उद्योग आ रोजगारकेँ बढ़ावा देबाक गप्प केलथि। कानून व्यवस्था आ विकासक संबंधमे सेहो महत्वपूर्ण टिप्पणी कयलनि।

गयाजी केर अतरी विधानसभा क्षेत्रक देवगांवमे एमएसएमई दिससँ 170 करोड़ रुपयाक लागतसँ बनय वला टेक्नोलॉजी सेंटरक भूमि पूजन आ शिलान्यास करैत मुख्यमंत्री सम्राट चौधरी कतेको अहम घोषणा आ बयान देलनि। ओ कहलनि कि बिहारक सरकारी स्कूलमे एहन व्यवस्था करब कि सभ कोचिंग सेंटर बंद भ जायत।

मुख्यमंत्री कहलनि जे राज्यमे मॉडल स्कूलकेँ एहि तरहसँ विकसित कयल जाएत जे भविष्यमे कोचिंग सेंटरक जरूरत नहि होएत। ओ उल्लेख कयलनि जे एहि स्कूलमे एहन सुविधा बनाओल जा रहल अछि जाहिसँ छात्र देर राति धरि पढ़ाई कय0 सकय आओर ओतहि नीट जकां परीक्षाक पूरा तैयारी भ सकय। ओ इहो कहलनि जे, एहन समय आओत जखन बिहारमे कोचिंग सेंटरक जरूरत खतम भ जाएत आ सरकारी स्कूल शिक्षाक प्राथमिक केंद्र बनि जाएत।

अधिकारीकेँ निर्देश दैत सीएम अपराध आ भ्रष्टाचारक खिलाफ सख्त कार्यवाही करबाक निर्देश देलथि। हुनक कहब अछि कि अपराधीकेँ चाहे जेल होय वा ओकरा पूरा तरहेँ खतम कयल जाय। गया केर कानून व्यवस्थाक स्थितिक जिक्र करैत  टिप्पणी कयलनि कि अपराधक खिलाफ लगातार, सख्त कार्यवाही कयला पर सुशासन कायम राखल जा सकैत अछि।

मुख्यमंत्री कयलनि कि पिछला किछु सालमे बिहारमे पैघ पैमाना पर रोजगार पैदा भ रहल अछि, जाहिमे लगभग 1.87 करोड़ लोक सीधा रोजगार भेटय। ओ एहि बात पर प्रकाश देलनि जे राज्यमे बिजली कनेक्शन क संख्या 17 लाख स बढ़ि कए 2 करोड़ स बेसी भ गेल अछि, आ बिहार देश मे सबस सस्ता बिजली उपलब्ध करा रहल अछि। एकर अलावा 125 यूनिट धरि केर खपत लेल मुफ्त बिजलीक व्यवस्था कयल जा रहल अछि।

‘प्रधानमंत्री सूर्य घर योजना’ केर जिक्र करैत ओ कहलनि जे सौर ऊर्जाक माध्यमसँ खपत अतिरिक्त इकाइ केँ लागत सरकार वहन करत, जाहिमे धन सीधा लाभार्थीक खातामे स्थानांतरित भ जाएत।

मुख्यमंत्री एहि बात पर जोर देलनि जे बिहारकेँ आगू बढ़ेबा लेल औद्योगिक आ प्रशासनिक व्यवस्थाकेँ मजबूत करब जरूरी अछि। ओ कहलनि कि राज्यमे ₹5 लाख करोड़क निवेश आकर्षित करय केर लक्ष्य तय कयल गेल अछि आ एकरा हासिल करय लेल उद्योग आ व्यवसायकेँ बढ़ावा दै केर प्रयास कयल जा रहल अछि।