‘बिकाऊ पत्रकार’ कहय पर कानूनी लड़ाई: कोर्ट पहुँचलथि अंजना ओम कश्यप, खान सर केर खिलाफ दू करोड़क मानहानिक मुकदमा

नई दिल्ली। समदिया

टीवी पत्रकार अंजना ओम कश्यप आओर टीवी टुडे नेटवर्क ऑनलाइन शिक्षाविद खान सर आओर दोसर लोकक खिलाफ मानहानिक मुकदमा दर्ज करौलक अछि। दिल्ली हाईकोर्टमे दायर याचिकामे 2 करोड़ रुपयाक नुकसानक भरपाई आओर विवादित वीडियो/पोस्ट केर हटाबयक मांग कएल गेल अछि। सोमदिन आइ एहि मामिला पर सुनवाई होएत।

याचिकाक अनुसार नीट पेपर लीक पर बहसमें अंजना ओम कश्यप स्टार ऑनलाइन कोचिंग शिक्षकक आलोचनाक बाद खान सर आ अन्य यूट्यूब शिक्षाविद हुनका खिलाफ आपत्तिजनक भाषाक प्रयोग कयलनि।

आंजना पर बिकाऊ पत्रकार, चाटुकार, दलाली आ फेक न्यूजक दुकान जँका शब्दक इस्तेमाल कयल गेल, जे मानहानिकारक अछि। याचिकामे कहल गेल अछि कि एही टिपण्णीसँ प्रतिष्ठाकेँ ठेस पहुंचल अछि आ चैनलक विश्वसनीयता पर सेहो सवाल उठायल गेल अछि। याचिकाकर्ता दिल्ली हाईकोर्टसँ एही वीडियोकेँ यूट्यूब, इंस्टाग्राम आ एक्स (ट्विटर) सँ हटेबाक आदेश देबाक अपील कयलनि अछि।