म्यांमारमे शांति आ संवादक प्रक्रियाकेँ आगू बढ़ाबय लेल तैयार भारत : पीएम मोदी

नई दिल्ली। समदिया

भारत आ म्यांमार द्विपक्षीय संबंधकेँ आओर मजबूत करय आ व्यापार, निवेश, कनेक्टिविटी, विकास साझेदारी, क्षमता निर्माण, सुरक्षा आ सीमा प्रबंधन जँका क्षेत्रमे सहयोग बढ़ाबय पर सहमत भ गेल अछि। सोमदिन नई दिल्ली केर हैदराबाद हाउसमे व्यापक बातचीतक दौरान प्रधानमंत्री नरेंद्र मोदी आ म्यांमार केर राष्ट्रपति यू मिन आंग ह्लाइंग दूनू पड़ोसी देशक बीच संबंधकेँ आओर गहरा करय पर सहमत भ गेलै। बैसारक दौरान प्रधानमंत्री मोदी कहलनि जे म्यांमारमे शांति आ संवादक प्रक्रियाकेँ आगू बढ़ाबय लेल तैयार अछि। संघीय शासन आ आर्थिक विकास पर अनुभव साझा करबाक विषयमे सेहो बजलाह।

एमईए केर प्रवक्ता रणधीर जायसवाल एक्स पर कहलनि कि प्रधानमंत्री मोदी आ म्यांमार केर राष्ट्रपतिक बीच बातचीत व्यापक भेल आ दुनू देश शांति, प्रगति आ समृद्धि लेल साझेदारीकेँ आओर आगू बढ़ाबय पर सहमत अछि। ओ कहलनि कि भारत संकटक समय म्यांमार लेल एगो भरोसेमंद पड़ोसी आ पहिल सहयोगी अछि।

प्रधानमंत्री इहो बतैलनि कि भारत केर “नेबरहुड फर्स्ट”, “एक्ट ईस्ट” आ “ओशन” नीति केर अनुरूप भारत हमेशा म्यांमार केर समर्थन करत।

राष्ट्रपति यू मिन आंग ह्लाइंग सोमदिन राष्ट्रपति भवनमे राष्ट्रपति द्रौपदी मुर्मूसँ भेंट कयलनि। राजधानीमे आयोजित सांस्कृतिक प्रदर्शनी “द लाइट एंड द लोटस: रेलिक्स ऑफ द अवेकेन्ड वन” केर दौरा सेहो कयलनि।

म्यांमार केर राष्ट्रपतिकेँ भारतक ई पहिल आधिकारिक यात्रा अछि। हुनका संग मंत्री, वरिष्ठ अधिकारी आ व्यापारिक प्रतिनिधिक उच्च स्तरीय प्रतिनिधिमंडल सेहो अछि। संगहि ओ व्यवसायिक बैसार सेहो करताह आ मुंबईक विभिन्न स्थल पर सेहो घुमताह।

एहि सं पहिने रविदिन राष्ट्रीय सुरक्षा सलाहकार अजीत डोभाल हुनकासँ भेंट कयलनि, जखन कि 30 मईकेँ विदेश मंत्री एस.

राष्ट्रपति यू मिन आंग ह्लाइंग भारत यात्राक शुरुआत बिहारक बोध गया स्थित महाबोधी मंदिरमे प्रार्थनासँ कयलनि।

विदेश मंत्रालय कहलक कि एही यात्रासँ भारत आ म्यांमारक बीच बहुआयामी संबंध आओर गहरा भ जायत।