पेपर लीक मामिलामे जवाबदेही तय करब जरूरी : सुप्रीम कोर्ट

नई दिल्ली । समदिया

सुप्रीम कोर्ट काल्हि शुक्रदिन (29 मई 2026) नीट प्रश्नपत्र लीकक संबंधमे मामिलाक सुनवाई कयलक। सॉलिसिटर जनरल तुषार मेहता कोर्टकेँ सूचित कयलनि कि इसरो केर पूर्व अध्यक्षक नेतृत्व वला समिति अपन जवाब सुप्रीम कोर्टमे पेश कय देलक अछि। इ सुनवाई जस्टिस पी. एस. नरसिम्हा आ जस्टिस आलोक अराधेक बेंच द्वारा कयल जा रहल अछि। याचिकामे परीक्षाक नवक संचालनक लेल उच्च शक्ति वला समितिक गठनक मांग अछि आ नीट परीक्षा सुप्रीम कोर्टक सेवानिवृत्त न्यायाधीशक देखरेखमे कराओल जाय। इसरो केर पूर्व अध्यक्ष के. राधाकृष्णन कहलनि कि एनटीएकेँ अपना आपकेँ मजबूत करय केर सलाह देल गेल अछि आ कतेको सुधार लागू कयल गेल अछि। संगहि ओ आश्वासन देलनि जे भविष्यमे नीट परीक्षा लेल सभटा सुझाव कए ध्यानमे राखल गेल अछि। सुनवाईक दौरान सुप्रीम कोर्ट एगो कड़ा टिप्पणी करैत कहलक कि जा धरि वास्तविक जवाबदेही तय नहि होयत अछि ता धरि प्रणालीगत सुधार असंभव अछि। कोर्टक कहनाय छल जे जिम्मेदारी सिर्फ व्यक्तिक नहि, संस्थागत स्तर पर तय करय पड़त। कोर्ट इहो कहलक जे यूपीएससी सन संस्थानमे एहन स्थिति कहियो नहि बनैत अछि, आओर दोसर संस्थान कय एहिसँ सीख लेबाक जरूरत अछि।

सॉलिसिटर जनरल तुषार मेहता कहलनि कि सरकार छात्रक संग ठाढ़ अछि आ परीक्षा प्रक्रियाकेँ आओर सुरक्षित आ पारदर्शी बनाबय लेल नव तंत्र बनायल गेल अछि, जाहि पर उच्च स्तर पर निगरानी कयल जा रहल अछि।

सुप्रीम कोर्ट शिक्षा मंत्रालय कय हलफनामा दाखिल करबाक निर्देश देलक अछि जे भविष्यमे परीक्षा प्रक्रिया आ रिजल्ट सिस्टममे कोना सुधार होएत। कोर्टक कहनाय छल जे ई हलफनामा जुलाई केर दोसर सप्ताह धरि दाखिल भ जयबाक चाहि। राष्ट्रीय परीक्षा एजेंसी शुक्रदिन सुप्रीम कोर्टकेँ बतैलक कि नीट 2026 केर परीक्षा रद्द कय पुनः परीक्षा लेबाक फैसला “छात्रक हितमे” आ राष्ट्रीय परीक्षा प्रणाली पर जनविश्वास कायम रखय लेल लेल गेल अछि।

सुप्रीम कोर्टमे दायर हलफनामामे एनटीए कहलक अछि जे 3 मईकेँ परीक्षा रद्द कय मामिला कए केंद्रीय जांच ब्यूरो कए सौंपब परीक्षाक अखंडताक प्रति एजेंसीक गंभीरता कय दर्शाबैत अछि। ई निर्णय छात्रक हितमे आ राष्ट्रीय परीक्षा प्रणालीक विश्वसनीयताक रक्षाक लेल लेल गेल छल ।

ई हलफनामा सुप्रीम कोर्टकेँ 25 मईकेँ आदेशक अनुपालनमे दायर कयल गेल अछि, जाहिमे एनटीए कहलक कि नीट 2024 केर परीक्षा विवादक बाद इसरो केर पूर्व अध्यक्ष के. राधाकृष्णनक अध्यक्षतामे कमेटी बनाओल गेल छल।