ईरानक लेल ट्रंपक कड़ा संदेश : समझौतामे कोनो जल्दबाजी नहि, पसंदक मुताबिक नहि तँ कार्यवाही
नई दिल्ली। समदिया
अमेरिकी राष्ट्रपति डोनाल्ड ट्रंप कहलनि कि मध्यावधि चुनावसँ उपजल राजनीतिक दबावक वजहसँ ईरानक संग कोनो समझौता करयमे जल्दबाजी नहि कयल जायत। ओ चेतावनी देलनि कि जँ जारी वार्ताक परिणामस्वरूप अमेरिकाक पसंदक अनुरूप सौदा नहि होयत तँ वाशिंगटन एक बेर फेर सैन्य कार्यवाही करय लेल तैयार अछि। बुधदिन व्हाइट हाउसमे कैबिनेट केर बैसारक दौरान ट्रंप टिप्पणी कयलनि कि ईरान ई अनुमान लगैलक कि आबय वला मध्यावधि चुनाव केर दबावसँ हुनक वार्ता केर स्थिति कमजोर भ जायत।
ट्रंप कहलनि जे, हुनका सभकेँ लागल जे ओ हमरा आओर बेसी इंतजार करा सकैत छथि, मुदा हमरा मध्यावधि चुनावक कोनो परवाह नहि अछि।
ट्रंप नँ जोर देलनि कि अमेरिका अखनि चर्चाक तहत शर्तसँ असंतुष्ट अछि आ जँ ओकर मांग पूरा नहि भेल तँ ओ फेर सैन्य कार्यवाहीक सहारा ल सकैत अछि।
ट्रंप कहलनि जे, उम्मीद अछि जे हम सभ एहिसँ संतुष्ट रहब। “नहि तँ कार्यवाही करय पड़त।”
एकर अलावा कैबिनेट केर बैसारक दौरान ट्रंप कहलनि कि ईरानक उच्च समृद्ध यूरेनियम केर भंडार छोड़य केर बदलामे कोनो तरहक प्रतिबंधसँ राहत नहि भेटत।
एकटा साक्षात्कारमे जखनि ई पूछल गेल कि, की ईरानकेँ अपन उच्च समृद्ध यूरेनियम छोड़य केर बदलामे मौजूदा ढाँचाक तहत प्रतिबंधसँ राहत देल जायत, ट्रंप जवाब देलनि कि, “नहि, बिल्कुल नहि। कोनो प्रतिबंधसँ राहत नहि।”
एहि सं पहिने बुधदिन व्हाइट हाउस ईरानी मीडियामे घूमैत एकटा रिपोर्टकेँ खारिज कय देलक जाहिमे कथित समझौताक मसौदाक हवाला देल गेल छल। ओहि रिपोर्टमे दावा कयल गेल छल कि अमेरिका ईरानक सीमा वला क्षेत्रसँ अपन सैनिक वापस आनत आ ईरानी बंदरगाह पर अमेरिकी नौसैनिक नाकाबंदी हटा देत। व्हाइट हाउस एही रिपोर्टकेँ “पूरी तरहसँ मनगढ़ंत” बतैलक।
