नीट पेपर लीक मामिलामे राजनाथ सिंहक आवास पर बैसार

नई दिल्ली। समदिया

नीट पेपर लीक केसक संबंधमे फिलहाल रक्षा मंत्री राजनाथ सिंहक आवास पर उच्च स्तरीय बैसार भेल। बैसारमे धर्मेन्द्र प्रधान, ज्योतिरादित्य सिंधिया, एनटीएक महानिदेशक अभिषेक सिंह आ पीएमओक वरिष्ठ अधिकारी शामिल छलथि। एहि मामिलाक संबंधमे प्रमुख फैसलाक उम्मीद अछि।

समाचार सम्प्रेषण धरि बैसार चली रहल छल।

नीट पेपर लीक मामिलासँ संबंधित उच्च स्तरीय बैसार काल्हि रक्षा मंत्री राजनाथ सिंहक आवास पर भेल। सूत्रक अनुसार बैसारमे केंद्रीय मंत्री धर्मेन्द्र प्रधान आ ज्योतिरादित्य सिंधिया, एनटीएक महानिदेशक अभिषेक सिंह आ पीएमओक वरिष्ठ अधिकारी मौजूद छल।

जनतब अछि जे नीट-यूजी 2026क परीक्षा मूल रूपसँ 3 मईकेँ भेल छल। अनियमितताक संकेतक बाद 12 मईकेँ इ परीक्षा रद्द भ गेल। आब 21 जूनकेँ होमय वला नीट पुनर्परीक्षामे लगभग 23 लाख छात्र उपस्थित हेबा लेल तैयार छथि। शिक्षा मंत्री धर्मेन्द्र प्रधान लगातार परीक्षाक तैयारीक समीक्षा करैत आबि रहल छथि। एहि क्रममे काल्हि रक्षा मंत्री राजनाथ सिंहक आवास पर उच्च स्तरीय बैसार भेल।