माहूरवाला शराबसँ पुनः मोतिहारीमे लोकक आँखि आन्हर आ एक गोटेक मृत्यु

मोतिहारी । समदिया

मोतिहारीमे एक बेर फेर जहरीली शराब कांड सनसनी पसारि देलक अछि। स्प्रिट पिबैसँ एक टेम्पू चालकक संदिग्ध मृत्यु भ गेल, ततय कएक लोक बीमार पड़ि गेल अछि। रघुनाथपुरक लोहा सिंह आ लड्डू साहक इलाज जारी अछि, जाहिमे सँ एकटाक आँखिक ज्योति चलि गेल छैक। मामिलाक बाद इलाकामे आतंकक माहौल अछि। पुलिस दूटा लोककेँ हिरासत शमे लेलक अछि आ कतेक ठाम छापामारी चलि रहल अछि। प्रशासन जांच तेज कऽ देलक अछि आ दोषी पर सख्त कारवाई करबाक बात कहल गेल अछि। जानकारीक अनुसार, तुरकौलिया थाना क्षेत्र केर जयसिंहपुर पंचायतक निवासी चंदू (पिता–सुरेश प्रसाद), जे पेशाक हिसाबसँ टेम्पू चालक छलाह, संदेहास्पद परिस्थितिमें मृत्यु भऽ गेल अछि। ओही ठाम रघुनाथपुर थाना क्षेत्रक बालगंगा गामक लोहा सिंह आ लड्डू साह उर्फ जितेंद्र शाहक हालत गंभीर बताओल जा रहल अछि, जिनकर इलाज निजी नर्सिंग होममे भऽ रहल अछि। डॉक्टरक अनुसार, फिलहाल दुनूकेँ स्थिति खतरासँ बाहर बताओल जा रहल अछि। बीमार लोहा सिंह कहला कि ओ रातिमे स्प्रिटक सेवन केलथि, जकरा बाद अचानक हुनक स्वास्थ्य बिगड़ि गेल आ अब हुनका किछु देखाइ नै दे रहल अछि। हुनकर पत्नी खुशबू कुमारी कहली कि वे अक्सर हुनका शराब पीबयसँ मना करैत रहैत छलीह, मुदा ओ मान’ नहि करैत छलाह। परिवारक आर्थिक स्थिति सेहो बहुत कमजोर अछि। सूत्रक अनुसार, एहि कांडमे आओरो लोक बीमार भेल छथि, जे डर वा बदनामीक कारण चोरा नुका कऽ इलाज करा रहल छथि। एहिसँ मामिलक गंभीरता आओरो बढ़ि गेल अछि। सूचना भेटितहि पुलिस सक्रिय भ’ गेल अछि। रघुनाथपुर थाना केर टीम स्थल पर पहुँचि जांचमे जुटि गेल अछि। कहल जा रहल अछि जे शराब बेचयबला केर पता भेटि गेल अछि आ दू लोकके हिरासतमे लेल गेल अछि। आन आरोपीक गिरफ्तारी लेल छापेमारी जारी अछि। डीआईयू (जिला खुफिया इकाई) आ एएलटीएफ (एंटी लिकर टास्क फोर्स) केर टीम तुरकौलिया केर परसौनी मुसहरी टोला समेत कई क्षेत्रमे सघन सर्च अभियान चला रहल अछि। एफएसएल (फॉरेंसिक साइंस लैब) केर टीमके सेहो जांचमे लगौल गेल अछि, जाहिसँ जहरीला पदार्थक पुष्टि भ’ सकत। प्रशासन अलर्ट मोडमे अछि, घटनाक गम्भीरता देखते एसडीएम आ एसडीपीओ स्थल पर कैंप क’ रहल छथि। ओहि बीच एसपी पुरा मामिला केर जांचक आदेश देने छथि आ दोषीक विरुद्ध कड़ी कार्रवाई केर आश्वासन देने छथि। बढ़ैत घटना सभ चिंता बढ़ौलक मोतिहारीमे जहरीला शराबसँ जुड़ल ई घटना फेर स’ कानून-व्यवस्था आ शराबबंदी केर प्रभावशीलता पर सवाल उठाबैत अछि। लगातार एतेक घटना सामने आबि रहल अछि से स्पष्ट अछि जे अवैध शराबक धंधा अखनि धरि पूरा तरहें समाप्त नै भ’ सकल अछि। फिलहाल, प्रशासन पूरा मामला के तह तक जाए मे लागल अछि आ ई पता लगाबय के कोशिश भ’ रहल अछि जे आखिर ई जहरीली शराब कत’ स’ आयल आ एकर पाछू कोन लोक सभ अछि।