ईरान युद्धविरामक कयलक अनुरोध: राष्ट्रपति डोनाल्ड ट्रंप

नई दिल्ली। समदिया

अमेरिकाक राष्ट्रपति डोनाल्ड ट्रंप बुधकेँ कहलनि कि ईरानक नव राष्ट्रपति अपन पूर्ववर्तिक तुलनामे कम कट्टरपंथी आ बेसी बुद्धिमान छथि। ओ अखनि अमेरिकासँ युद्धविरामक अनुरोध कयलनि अछि। हम होर्मुज जलडमरूमध्यकेँ पूरा तरहेँ खुजलाक बाद, मुक्त भेलाक बाद आ सुरक्षित भेलाक बाद एही पर विचार करब। एहिसँ पहिने, मंगलकेँ ट्रंप पत्रकारसँ बातचीतमे कहने छलथि कि अमेरिका जल्द ईरानसँ बाहर निकलि जायत। अमेरिकी राष्ट्रपति कहलनि, हमरा बस ईरानसँ निकलबाक अछि आ हम बहुत जल्द ऐना करब। जखनि हमरा लागत जे हम ईरानकेँ पूरा तरहेँ पाषाण युगमे वापस भेज देलियै आ ओ आब परमाणु बनेबाक हालतमे नहि अछि। समझौता हो वा नहि होय, एहिसँ फर्क नहि पड़ैत अछि। हालांकि, संभवना अछि कि समझौता होयत, कारण ओ समझौता करय चाहैत अछि। ओ हमरासँ बेसी समझौता करय चाहैत अछि। मुदा, जल्द ई सभ खत्म भ जायत। ओ कतेको वर्षों धरि परमाणु हथियार नहि बना पाओत। एकर अलावा, ट्रंप बुधकेँ कहलनि कि ओ उत्तरी अटलांटिक संधि संगठन (नाटो) सँ अमेरिकाक बाहर निकालबा पर गहराईसँ विचार कय रहल अछि। ओ कहलनि, नाटो ईरानक खिलाफ युद्धमे शामिल नहि भेल। ट्रंप नाटोक ‘कागजी शेर’ करार देलक। टेलीग्राफक संग इंटरव्यूमे ट्रंप कहलनि, ‘ई गठबंधन (नाटो) एक कागजी शेर अछि आ ब्रिटेन लग नौसेना धरि नहि अछि।’