संसारकेँ संकटमे डालि ट्रम्पक डबल गेम – ‘तेल हमरासँ खरीदू वा होर्मूज पर करु कब्जा

नई दिल्ली । समदिया

अमेरिकाक राष्ट्रपति डोनाल्ड ट्रंप मंगलकेँ अपन एकटा सोशल मीडिया पोस्टमे पश्चिमी देश सभ पर निशाना साधलाह। ओ कहलाह जे ब्रिटेन जेकाँ जे देश होर्मुज जलडमरूमध्यक कारण जेट ईंधन नहि पाबि रहल अछि, जे ईरानक खिलाफ कारवाईमे भाग लेबासँ इनकार कयने छल, हुनका लेल हमर दूटा सुझाव अछि। ओ स्पष्ट कहलनि ब्रिटेन जेकाँ जे देश होर्मुज जलडमरूमध्यक कारण जेट ईंधन नहि पाबि रहल अछि, जे ईरानक खिलाफ कारवाईमे शामिल होयबसँ इनकार कयने छल, हुनका लेल हमर सुझाव अछि : पहिल ई जे अमेरिकासँ किनू तेल, हमरा लग बहुत अछि। आ दोसर ई जे हिम्मत जुटाउ, जलडमरूमध्य पर जाउ आ ओकरा अपन कब्जामे लेऽ लिअ। आब अहाँकेँ स्वयं अपना लेल लड़ब सीखय पड़त, अमेरिका आब अहाँक मदद लेल नहि आयत, जेना अहाँ हमर लेल नहि एलहुँ। ईरान लगभग तबाह भ’ चुकल अछि। मुश्किल काज समाप्त भ’ गेल अछि। जाउ, अपन तेल स्वयं हासिल करू। ओ आगू लिखलनि, “फ्रांस सैन्य उपकरण लऽ जा रहल विमानकेँ इजरायल जायवला अपन हवाई क्षेत्रसँ गुजरबाक अनुमति नहि देलक। फ्रांस ‘ईरानक कसाई’क मामिलामे बहुत खराब सहयोग कयलक अछि, जकरा सफलतापूर्वक समाप्त कऽ देल गेल अछि। अमेरिका एकरा याद राखत। एहिसँ पहिने सोमकेँ अमेरिकी राष्ट्रपति ट्रम्प कहलनि जे हुनकर देश ईरानमे अपन सैन्य अभियान समाप्त करबाक लेल बेसी समझदार शासनक सङ्ग गम्भीरतासँ बातचीत कऽ रहल अछि। ओ कहला जे एहि दिशामे काफी प्रगति भेल अछि। मुदा जँ कोनो कारणसँ शीघ्र कोनो समझौता नहि भेल (जकर बहुत संभावना अछि) आ जँ होर्मुजलडमरु मध्य व्यापारक लेल नहि खुजल तँ हम ओकर सभ बिजली उत्पादन संयंत्र, तेलक इनार आ खर्ग द्वीप, जकरा हम सभ एखनि धरि जानि-बूझि कऽ नहि छूने छी, केँ पूर्ण रूपसँ नष्ट कऽ देब। ओ लिखलनि, “ई ओहि असंख्य सैनिक आ अन्य लोकक बदला होयत जिनका ईरान पछिला शासनक ४७ वर्षक आतंकक दौरान बेरहमीसँ हत्या कएने छल।”