होर्मुज जलडमरूमध्य तनावक बीच भारतकेँ भेटल राहत, जहाज शिवालिक मुंद्रा पोर्ट पहुँचल

कच्छ । समदिया

पश्चिम एशियमे बढ़ैत तनाव आ होर्मुज जलडमरूमध्यमे जहाजकेँ प्रभावित करय वला जारी संकटक बीच भारत लेल राहतक खबरि सामने आयल अछि। एलपीजी गैस ल कय भारतीय जहाज शिवालिक गुजरातक मुंद्रा बंदरगाह सुरक्षित रूपसँ पहुंची गेल अछि। ऊर्जा आपूर्ति लेल जहाज केर सुरक्षित आगमन बहुत महत्वपूर्ण मानल जा रहल अछि, कारण हालमे एही क्षेत्रमे तनावक कारणे सँ समुद्री मार्गमे खतरा बढ़ि गेल अछि। एलपीजी टैंकर मुंद्रा बंदरगाह पर रविदिन साँझ मे करीब 5 बजे पहुंचल। एहि जहाजमे लगभग 46 हजार मीट्रिक टन एलपीजी छल। एहि गैसक भारतकेँ घरेलू आपूर्ति नेटवर्कमे पहुंचाउल जाएत। शिवालिक एकटा पैघ गैस वाहक जहाज अछि जे भारतीय जहाजरानी निगम द्वारा संचालित अछि। ई जहाज फारस केर खाड़ीक अरब सागरसँ जोड़य वला एगो महत्वपूर्ण समुद्री मार्ग होर्मुज जलडमरूमध्यक रास्तासँ भारत पहुँचल। होर्मुज जलडमरूमध्य दुनियाक सबसँ महत्वपूर्ण ऊर्जा मार्गमे सँ एक मानल जायटी अछि। दुनिया केर लगभग 20 प्रतिशत तेल आ गैसक आपूर्ति एही समुद्री मार्गसँ गुजरैत अछि। एहि लेल एहि मार्ग पर कोनो तरहक तनाव वैश्विक ऊर्जा आपूर्ति पर असर दलित अछि। भारत सेहो अपन ऊर्जाक जरूरतक लेल एहि समुद्री मार्ग पर बेसी निर्भर अछि। एही तनावक बीच ईरान दू भारतीय जहाज शिवालिक आ नंदा देवीकेँ जलडमरूमध्यसँ गुजरय केर अनुमति देलक। दुनू जहाज लगभग 92,700 मीट्रिक टन एलपीजी ल कय जा रहल छल, जे भारत आबि रहल छल। अधिकारीक अनुसार दुनु जहाज सुरक्षित जलडमरूमध्य पार कय भारतीय बंदरगाह दिस सुरक्षित बढ़ल। भारतमे घरेलू आ व्यावसायिक उपयोगकें लेल एलपीजीक बेसि मांग अछि। अतः एहि जहाज सभकेँ समय पर आगमन बहुत महत्वपूर्ण मानल जाइत अछि। शिवालिककेँ मुंद्रा बंदरगाह पहुंचला पर गैस उतारबाक प्रक्रिया आरम्भ भेल आ देशकेँ एलपीजी वितरण नेटवर्कमे भेजबाक प्रक्रिया आरम्भ कायल गेल। दोसर जहाज नंदा देवी 17 मार्चकेँ कांडला बंदरगाह पर पहुंचबाक उम्मीद अछि। हालक दिनमे पश्चिम एशियामे तनाव काफी बढ़ि गेल अछि। फरवरीक अंतमे ईरान पर अमेरिका आ इजरायल केर सैन्य हमलक बाद ईरान एकर जवाबमे चेतावनी आ जलडमरूमध्यसँ जहाजकेँ संचालन पर कड़ा रुख रखलक। एहिसँ अस्थायी रूपसँ जहाजरानी यातायातमे कमी आयल आ बहुत रास टैंकर एहि मार्गसँ पारगमनसँ बचल।