केकेएम-दिल्ली प्रदेश पारिवारिक स्नेह मिलन कार्यक्रम हर्षोल्लाससँ सम्पन्न

केकेएम-दिल्ली प्रदेश पारिवारिक स्नेह मिलन कार्यक्रम हर्षोल्लाससँ सम्पन्न
दिल्ली समदिया!!

विगत रवि दिन दिनांक १६ नवंबर कऽ कर्ण कायस्थ महासभा (राष्ट्रीय पंजीकृत) संस्थाक दिल्ली प्रदेश के प्रांतीय समिति द्वारा आयोजन कएल गेल “पारिवारिक स्नेह मिलन” कार्यक्रम स्थानीय संस्कार भारती सभागारमें हर्षोल्लासके संग मनाओल गेल। कार्यक्रमके शुभारम्भ पूर्व राष्ट्रीय अध्यक्ष सी एम एल दास, पूर्व राष्ट्रीय उपाध्यक्ष श्री संजीव सिन्हा, राष्ट्रीय अध्यक्ष सीए आशीष नीरज, राष्ट्रीय महासचिव आनंद दास “गौतम”, दिल्ली प्रदेश अध्यक्ष सुजीत कुमार, दिल्ली प्रदेश महासचिव हिमांशु सौरभ, अतिथि के रूप में उपस्थित श्याम नारायण दास, डॉ प्रमोद कुमार एवम् ई. विजय कुमार के द्वारा दीप प्रज्वलन आ भगवान चित्रगुप्त के पुष्पांजलि अर्पणके साथ भेल।

गोसावनी गीतके गायन उपरांत पूर्व राष्ट्रीय अध्यक्ष आ पूर्व राष्ट्रीय उपाध्यक्ष क्रमशः सी एम एल दास आ संजीव सिन्हा जी के स्मृति चिन्ह स सम्मानित कएल गेल। अहि स्नेह मिलनमें कुल तीन वर्गमें कार्यक्रम आयोजित कएल गेल।

कार्यक्रम के पहिल सत्र में *कवि सम्मेलन* भेल, जाहिके अध्यक्षता डॉ प्रमोद कुमार जी के द्वारा कएल गेल जाहि में 8 कवि/कवियित्री अपन कवित पाठ संओ उपस्थित दर्शक लोकनिके अपन दिसि आकर्षित कएलक आ गाम सँ शहर तक के सफर अपन कवित पाठ संओ करौलथि। कवि/कवियित्रीमें डॉ प्रमोद कुमार, ई विजय कुमार लाल, श्री सुजीत कुमार, रविरंजन वर्मा “चमन”, आनंद दास “गौतम”, तनुजा दत्त, शशि महेंद्र आ प्रिया वरुण कुमार अपन कविता पाठ कएलन्हि आ संचालनक भूमिका में तनुजा आ सुजीत उपस्थित रहलाह। अंत में सभ मंचासीन गण केर स्मृति चिन्ह भेंट कएल गेल।

कार्यक्रम के दोसर सत्र में “*गृहिणी महिला सभक लेल स्वरोजगार के विभिन्न अवसर*” विषय ऊपर परिचर्चा कएल गेल जाहि में वक्ता के तौर पर सीए आशीष नीरज (प्रख्यात चार्टर्ड अकाउंटेंट आ वर्तमान केकेएम राष्ट्रीय अध्यक्ष) महिलाक रोजगार हेतु विभिन्न दिशा सभक सामने राखलनि। सत्रक वक्ता आशीष के समन्वय समिति के सदस्य के के कर्ण के द्वारा स्मृति चिन्ह सँ सम्मानित कएल गेल। सत्र के संचालन में बतौर भूमिका हिमांशु उपस्थित रहलाह।

कार्यक्रम के अंतिम सत्र “*सांस्कृतिक संध्या*” के आयोजन भेल जाहिमें 1 गायक आ 7 गायिका सहित सभके मधुर प्रस्तुतिसभ स सभागार मंत्रमुग्ध भऽ गेल। गायिकामें पूनम कर्ण, रजनी दास, चन्दा चौधरी, आराधना मल्लिक, शांता कुमारी, स्वाति दास आ दिल्ली प्रदेश उपाध्यक्ष आ प्रख्यात चिकित्सक डॉ संजय लाभ आ हुनकर धर्मपत्नी डॉ अनुपमा लाभ सामूहिक गीत सँ उपस्थित श्रोतासभ के झूमय पर मजबूर कएलन्हि। एहि सत्र के संचालन दिल्ली प्रदेश महासचिव हिमांशु सौरभ के द्वारा कएल गेल आ अंत में गायक-गायिका सभके स्मृति चिन्ह सँ सम्मानित कएल गेल।

धन्यवाद ज्ञापन पूर्व राष्ट्रीय अध्यक्ष सी एम एल दास जी द्वारा कएल गेल। एहि कार्यक्रम में केकेएम झारखंड प्रदेश सचिव अमरनाथ लाल दास, बैंगलोरसँ केकेएम केर सह संस्थापक सदस्य ओ पूर्व राष्ट्रीय सचिव विजय बाबु, संस्था के राष्ट्रीय कोषाध्यक्ष कुमार रंजीत सहित सैकड़ों दर्शक उपस्थिति रहलाह।

समाद : विजय कुमार (विजय बाबु) सह हिमांशु कर्ण