मैथिली ठाकुर बीजेपीमे शामिल, अलीनगरसँ लड़ि सकैत छथि चुनाव
मैथिली ठाकुर बीजेपीमे सामिल, अलीनगरसँ लड़ि सकैत छथि चुनाव
**
!! बिहारक लोकगायिका मैथिली ठाकुर मंगलवारकेँ बीजेपीमे सामिल भऽ गेलीह। भाजपा प्रदेश अध्यक्ष दिलीप जायसवालक उपस्थितिमे ओ बीजेपीक दामन थामलनि। कहल जा रहल अछि जे मैथिली अलीनगरसँ चुनाव लड़ि सकैत छथि।
किछु दिनसँ एहि पर चर्चा चलि रहल छल जे मैथिली बीजेपीमे सामिल भऽ सकैत छथि आ १४ अक्टूबरकेँ ओ बीजेपीमे सामिल भऽ गेल छथि।
हालहिमे हुनक बीजेपीक राष्ट्रीय महासचिव विनोद तावड़े आ गृहमंत्री नित्यानंद राय सँ भेंट भेल छल। एकर बादसँ कहल जाय लगल जे मैथिली आब चुनावी पिच पर अपन भाग्य आजमा सकैत छथि। ओ बीजेपीमे सामिल हेतीह आ कतहुसँ चुनाव लड़ि सकैत छथि। तावड़े आ रायसँ भेंटक बाद मैथिली मीडियासँ बातचीतमे कहलनि जे ओ पहिने राजनीतिमे अबय नहिं चाहैत छलीह। मुदा विनोद तावड़े आ नित्यानंद रायसँ बातचीतसँ ओ बहुत प्रभावित भेलीह। एकर बाद ओ राजनीतिमे आबय केर फैसला कयलनि। मैथिली कहलनि जे जँ हुनका चुनाव लड़य केर मौका भेटत त ओ मुधबनी वा दरभंगासँ चुनाव लड़तीह। तथापि, ओहि समय मैथिली ई इच्छा व्यक्त कयने रहथि जे ओ अपन गृह जिलाक बेनीपट्टी विधानसभा सीटसँ लड़य चाहैत छथि।
मुदा खबरि अछि जे बीजेपी, मैथिलीकेँ अलीनगर विधानसभा सीटसँ चुनाव लड़ा सकैत अछि। अलीनगर दरभंगा जिलाक खास सीट अछि। एतय ब्राह्मण, यादव आ मुस्लिम मतदाता सभक प्रभुत्व रहल अछि। ओ सभ चुनावमे महत्वपूर्ण भूमिका निभाबैत छथि। अलीनगर एकटा सामान्य सीट अछि। पहिने ई मनीगाछी विधानसभाक हिस्सा छल, मुदा परिसीमनक बाद नव विधानसभा क्षेत्र बनल। ई पूरा तरहें ग्रामीण इलाका अछि।
2010 केर विधानसभा चुनावमे एहि सीट पर आरजेडी केर अब्दुल बारी सिद्दीकी चुनाव जितलाह। ओ जेडीयू केर प्रभाकर चौधरीकेँ करीब 5 हजार वोटसँ हरौलथि। अब्दुल बारीकेँ 37,923 वोट भेटल जखनिकि प्रभाकर चौधरीकेँ 32,934 वोट भेटल। ओहि समय तेसर नंबर पर कांग्रेस केर मदन मोहन झा छलथि। हुनका 6,762 वोट भेटल छल। 2015 केर विधानसभा चुनावमे सेहो अब्दुल बारी सिद्दीकी जीतयमे सफल भेलाह। ओतहि, 2020 केर विधानसभा चुनावमे एहि सीट पर मुकेश सहनीक पार्टी VIP सँ मिश्री लाल यादव जीत हासिल कयलनि। हालांकि, बादमे ओ BJP केर हाथ थामि लेलनि। मिश्री लाल यादव आरजेडी केर विनोद मिश्राकेँ हरौलनि।
मैथिली ठाकुर बिहारक प्रसिद्ध लोकगायिका छथि। ओ मधुबनी जिलासँ छथि। मैथिली बहुत भाषामे गीत गाबैत छथि। हुनकर पिता रमेश ठाकुर सेहो संगीतज्ञ छथि। मैथिलीकेँ दुटा भाय छनि। बड़का भाय तबला वादक छथि। छोटका भाय सेहो गीत गबैत छथि। 25 वर्षक मैथिली लोक संगीतमे प्रसिद्ध छथि। एकर अलावा ओ विदेशमे सेहो कॉन्सर्ट करैत छथि। मैथिलीकेँ बचपनेसँ गीतक शौक छनि।
