व्यवसायी गोपाल खेमका केर हत्या मामिलामे पुलिस एकटा आर संदिग्ध रोशन कुमारकेँ पकड़ने अछि। रोशन कुमार गोपाल खेमकाक अंतिम यात्रामे फूल माला लऽ कऽ आयल छल। एहि दौरान संदेहक आधार पर पुलिस ओकरा हिरासतमे लेलक अछि आ ओकरासँ पूछताछ कयल जा रहल अछि।
सूत्र सभक अनुसार गोपाल खेमका केर हत्यासँ पहिने हुनक आवाससँ करीब 500 मीटर दूर दलदलीमे एकटा चाय केर दुकान पर शूटर आ दू लाइनर जमा भेल छल। तीनू ओतय चाय पीलक आ ओकरा बाद एकटा शूटर गोपाल खेमका केर आवास लग पहुँचि गेल। एहिमें सँ एकटा लाइनर बांकीपुर क्लब पहुँचल आ दोसर आवासक 500 मीटर दूर बिस्कोमानक आसपास रहित छल। जखने खेमका अपन आवासक गेट पर पहुँचलथि, शूटर हुनका पर गोली चला देलक। गोपाल खेमकाकेँ गोली मारनक बाद शूटर जेपी गोलंबरसँ बिस्कोमान होईत जेपी गंगा पथ फिर जेपी सेतु केर रास्ते सोनपुर दिस भागि गेल।
फिलहाल पुलिस सभ रूट सभक सीसीटीवी फुटेज खंगालि रहल अछि। पटनाक फतुआक अलावा हाजीपुर आ सोनपुरसँ लऽ कऽ छपरा धरि छापामारी कएल जा रहल अछि। पुलिसकेँ विजय नामक शूटर पर हत्या करबाक संदेह अछि। विजय पर पटनाक बुद्धा कॉलोनी थानामे हत्याक केस दर्ज अछि, जाहिमे ओ फरार चलि रहल अछि। पहिने ओ दोसर गैंगमे छल, आब नव गैंगसँ जुड़ल अछि। विजय जेल सेहो जा चुकल अछि आ एक बेर ओकरा पर फायरिंग सेहो भेल छल। पुलिसक दावा अछि जे शूटरक पहिचान भऽ गेल अछि।
अंतिम यात्रामे शामिल संदिग्धकेँ पुलिस पकड़लक। एहि मामिलामे पुलिस लगभग एक दर्जन संदिग्ध समकेँ सेहो उठौलक अछि आ सभसँ पूछताछ कयल जा रहल अछि। पुलिस शव यात्राक दौरान एकटा संदिग्ध रोशन कुमारकेँ सेहो हिरासतमे लेनलक अछि। ओ खेमकाक शव यात्रामे फूल माला लऽ कऽ आएल छल। पुलिसक एकटा अधिकारीक बॉडीगार्ड ओकरा देखि संदेह कयलक। तकर बाद ओकरा गांधी मैदान थानाक हवाला कयल गेल अछि। संदिग्ध रोशन कुमार पटनाक पुनपुन केर रहनिहार अछि। फिलहाल ओकरासँ पूछताछ कयल जा रहल अछि। ओतहि बेउर जेलमे बंद अजय वर्मासँ पुलिस घटनाक दिन जाकऽ पूछताछ कयने छल।जेलमे छापेमारीक दौरान पुलिसकें 3 मोवाइल भेटल छल। एहि मामिलामे जेल IG 3 कक्षपालकेँ निलंबित कय देने छल।
ओतहि गोपाल खेमका हत्याकांड पर डीजीपी विनय कुमार कहलनि जे ई मामला जटिल अछि आ अननोन कांड अछि। एहिमे स्पष्ट क्लू नहि भेटि रहलअछि, तें काफी स्रोतसँ खुलासा करबाक काज कयल जा रहल अछि। हम DGP केर रूपमे एहिकेँ चुनौती केर तौर पर लैत छी। मुख्यमंत्री जी स्वयं काफी संवेदनशील छथि। डीजीपी विनय कुमार आगाँ कहलनि जे मुख्यमंत्री नीतीश कुमार स्वयं एहि मामिलासँ सम्बंधित दिशा-निर्देश दऽ रहल छथि आ पूरा मामिलाकेँ मॉनीटिरिंग कऽ रहल छथि।
