प्रधानमंत्री मोदी बुधदिन दू दिनक यात्रा पर घाना पहुँचलाह। काल्हि बृहस्पतिकेँ पीएम मोदीकेँ घानाक सर्वोच्च नागरिक सम्मान ‘द ऑफिसर आफ द ऑर्डर ऑफ द स्टार ऑफ घाना’सँ सम्मानित कयलक। एकर बाद पीएम मोदी घाना केर संसदकेँ संबोधित कयलनि। संसदकेँ संबोधित करैत पीएम मोदी सर्वोच्च सम्मान लेल आभार व्यक्त कयलनि।
पीएम मोदी कहलनि जे आइ एहि प्रतिष्ठित सदनकेँ संबोधित करैत हमरा अत्यंत गर्व महसूस भऽ रहल अछि। लोकतंत्रक भावनामे डूबल भूमि घानामे रहब एकटा सौभाग्यक बात अछि। पीएम मोदी आगू कहलनि जे, दुनियाक सबस पैघ लोकतंत्रक प्रतिनिधिक रूपमे हम अपन संग 1.4 अरब भारतीयक सद्भावना आ शुभकामना लऽ कऽ आयल छी। घानासँ भेटल सर्वोच्च सम्मान लेल हम १४० करोड़ भारतीयकेँ दिसिसँ आभार व्यक्त करैत छि। घानाक सोना केर भूमिक रूपमे जानल जाइत अछि, खाली माटीक नीचा छिपल चीज लेली नहि बल्कि आहाँक दिलक भीतर जे गर्मजोशी आ ताकति अछि ओकरा लेल सहो जानल जाइत अछि’।
प्रधानमंत्री मोदी कहलनि जे आइ हमरा घानाक दूरदर्शी राज्यनेता आ प्रिय बेटा डॉ. क्वामे नक्रूमा केर श्रद्धांजलि देबयकेँ सौभाग्य भेटल। एक बेर ओ कहने छलाह जे हमरा सभकेँ एकजुट करय बला शक्ति हमरा सभकेँ अलग राखयवला प्रभावसँ बेसी अछि। हुनकर बात हमर सबहक साझा यात्राकेँ मार्गदर्शन करैत रहत।
पीएम मोदी अपन संबोधनमे आगू कहलनि जे भारतमे 2500 राजनीतिक दल अछि। 20 अलग-अलग पार्टी अलग-अलग राज्यमे सरकार चला रहल अछि। इएह कारण अछि जे भारतमे आबय वला लोककेँ भव्य स्वागत कएल जाइत अछि। भारतक जनता घानामे ओहिना मिश्रित अछि जेना चाहमे चीनी मिलाओल जाइत अछि । पीएम कहलनि कि जखनि हम घानाकेँ देखैत छी तऽ हमरा सबकेँ एकटा ऐहन राष्ट्र देखय लेल भेटैत अछि जे हिम्मतसँ ठाढ़ अछि। समावेशी प्रगतिक प्रति आहाँक प्रतिबद्धता सही मायनेमे घानाकेँ पूरा अफ्रीकी महाद्वीप लेल प्रेरणाक केंद्र बनल अछि।
पीएम मोदी कहलनि कि भारत आ घानाक बीच संबंध बहुत मजबूत अछि। भारत-घाना समावेशी विकास दिसि बढ़ि रहल अछि।
जलवायु परिवर्तनक मुद्दा पर पीएम मोदी कहलनि कि दुनियाक जलवायु परिवर्तन, महामारी, आतंकवाद आ साइबर सुरक्षा एवं जटिल संकटकेँ सामना करय पड़ि रहल अछि। पिछला शताब्दीमे बनल संस्थान एकर जवाब देबा लेल संघर्षरत अछि। बदलैत परिस्थितिक लेल वैश्विक शासनमे विश्वसनीय आ प्रभावी सुधारक जरूरत अछि।
