एलान मस्कक स्वामित्व वला सैटेलाइट इंटरनेट सेवा स्टारलिंक बुधदिन श्रीलंकामे आधिकारिक तौर पर अपन सेवा शुरू कय देलक।
एहि लॉन्चक संग श्रीलंका दक्षिण एशिया केर तेसर देश बनि गेल अछि जतय स्टारलिंक केर इंटरनेट सेवा केर उपयोग भेटल अछी।
एकर संगही श्रीलंका, भूटान आ बांग्लादेशक बाद ई सेवा प्राप्त करयवाला भारतक एगो आओर पड़ोसी देश बनि गेल।
स्टारलिंक सोशल मीडिया प्लेटफॉर्म एक्स जारी एगो पोस्टमे लिखलक कि स्टारलिंक केर हाई स्पीड, लो-लेटेंसी इंटरनेट आब श्रीलंकामे उपलब्ध अछि।
स्टारलिंक भारतमे अपन सेवा शुरू करय केर करीब आबि रहल अछि।
पिछला मास कंपनीक दूरसंचार विभागसँ एकटा महत्वपूर्ण लाइसेंस भेटल छल, जे पहिल बेर आवेदनक करीब तीन साल बाद भेल छल।
खबरिक अनुसार स्टारलिंक अगिला दू महीनाक भीतर भारतमे सेवा देबय केर काज शुरू कय सकैत अछि।
स्टारलिंक केर भारतमे परिचालन शुरू करय लेल अंतिम कदम भारतीय राष्ट्रीय अंतरिक्ष संवर्धन आ प्राधिकरण केंद्र (आईएन-स्पेस) सँ औपचारिक मंजूरी अछि। एजेंसी कंपनीकेँ लेटर ऑफ इंटेंट (एलओआई) केर मसौदा जारी कय चुकल अछि।
एक बेर दुनू पक्ष द्वारा एहि दस्तावेज पर हस्ताक्षरक बाद स्टारलिंककेँ भारतीय बाजारमे अपन सेवा शुरू करबा लेल आधिकारिक मंजूरी भेटत।
स्टारलिंक पृथ्वी केर परिक्रमा करयवला उपग्रहक नेटवर्कक माध्यमसँ इंटरनेट सेवा प्रदान करैत अछि । कंपनी एखनि दुनियाक सबसँ पैघ उपग्रह नक्षत्रक संचालन कय रहल अछि, जकर कक्षामे ६,७५० सँ अधिक उपग्रह अछि।
कंपनीक अनुसार स्टारलिंक कम देरी केर संग तेज इंटरनेट उपलब्ध कराबैत अछि, जाहिसँ ई सीमित कनेक्टिविटी वाला दूरस्थ इलाका लेल सहो उपयुक्त होयत अछि।
एशियामे स्टारलिंक सेवा पहिनेसँ कते को देशमे उपलब्ध छै, जाहिमें मंगोलिया, जापान, फिलीपींस, मलेशिया, इंडोनेशिया, जॉर्डन, यमन, आ अजरबैजान शामिल अछि। वैश्विक स्तर पर ई 100 सँ बेसि देशक उपयोगकर्ताकेँ सेवा दऽ रहल अछि, जे आवासीय आ रोमिंग दूनू तरहक इंटरनेट योजना प्रदान करैत अछि।
