राष्ट्रीय राजधानीमे अवैध तरीकासँ रहयवला 18 बांग्लादेशी नागरिककेँ काल्हि पकड़ल गेल। पाँच गोटे ‘किन्नर’क भेषमे रहैत छल। पुलिस शनिदिन ई जानकारी देलक अछि। पुलिसक कहब अछि जे सातटा आरोपीक फोनमे प्रतिबंधित मैसेजिंग ऐप भेटल अछि, जाहि केर माध्यमसँ ओ बांग्लादेशमे अपन परिवारक सदस्यसँ बात करैत छलाह।
वरिष्ठ पुलिस अधिकारी कहलनि जे पहिल कार्यवाही केर दौरान पुलिस करीब 100 झुग्गी-झोपड़ी आ 150 गलीक घेराबंदीक सत्यापन अभियान चला देलक।
अधिकारी कहलनि जे, पूछताछ केर दौरान शुरूमे एकटा व्यक्ति भागय केर कोशिश कयलक, मुदा बादमे ओ बांग्लादेशी नागरिक हेबाक बात स्वीकार कयलक। बादमे जांचक दौरान ओकर परिवारक सदस्यकेँ सेहो पता लगाओल गेल। पुलिसक अनुसार, कुल 13 बांग्लादेशी नागरिक अवैध दस्तावेजक संग भेटल अछि।
अधिकारी कहलनि जे, दोसर अभियानक दौरान पुलिससँ अपन पहिचान नुकेबाक लेल ट्रांसजेंडरक रूपमे पेश पांच गोटेके गिरफ्तार कयल गेल अछि। पुलिसक कहब अछि जे, सब 18 गोटेकेँ पूछताछ आ दस्तावेजीकरणक लेल विदेशी प्रकोष्ठमे स्थानांतरित कय देल गेल। सबसँ सातटा मोबाइल फोन बरामद कयल गेल जाहिमे प्रतिबंधित आईएमओ ऐप इंस्टॉल छल।
