केंद्र सरकार पंजाब कैडरक 1989 बैचक आईपीएस अधिकारी पराग जैन रिसर्च एंड एनालिसिस विंग (रॉ) केर नव प्रमुख नियुक्त हेताह। ओ आइ रविकेँ सिन्हाक जगह लेताह, जिनकर वर्तमान कार्यकाल 30 जूनकेँ समाप्त होएत। जैन 1 जुलाई 2025 सँ दू सालक निश्चित कार्यकालक लेल पदभार संभालताह।
सिन्हाक बाद पराग जैन कैडरमे दोसर स्थान पर छलाह। हुनका आतंकवाद विरोधी विशेषज्ञ मानल जाइत अछि आ हुनका अफगानिस्तान-पाकिस्तान क्षेत्रमे विशेषज्ञता अछि। अफगानिस्तान-पाकिस्तान क्षेत्र खास कऽ सीमा पारसँ आतंकवादी नेटवर्ककेँ डिकोड करयमे विशेष ध्यान देबयवला आतंकवाद विरोधी विशेषज्ञक रूपमे हुनक विशेषज्ञता आबय वला सालमे रॉ केर स्थितिकेँ आकार देबय केर उम्मीद अछि।
जैनक नियुक्ति ऐहेन समयमे कयल गेल अछि जखनि भारतक सुरक्षाक किछु सबसँ संवेदनशील परिदृश्य केर सामना करय पड़ल अछि। एखनि ओ विमानन अनुसंधान केंद्रक प्रमुख छथि। जैनकेँ ऑपरेशन सिंदूरक दौरान खुफिया प्रयासक अगुवाई करय केर श्रेय देल जाइत अछि। एहि मिशनक तहत भारतीय सेना पहलगाममे आतंकी हमलाक बाद पाकिस्तान आ पीओके केर 9 आतंकी अड्डा पर लक्षित हमला कय ओकरा नष्ट कय देलक।
जनतब जे रिसर्च एंड एनालिसिस विंग भारतक विदेशी खुफिया एजेंसी अछि। 1968 सँ पहिने इंटेलिजेंस ब्यूरो (आईबी) देशक भीतर आ बाहर दुनू ठाम खुफिया जानकारी एकत्रित करैत छल। लेकिन, 1962 केर भारत-चीन युद्ध आ 1965 केर भारत-पाकिस्तान युद्धक बाद विदेशी खुफिया जानकारीकेँ बेसी सटीक रूपसँ इकट्ठा करय लेल अलग एजेंसीक जरूरत महसूस कयल गेल। एहि जरूरतकेँ पूरा करबा लेल ‘रॉ’ केर गठन भेल।
रॉ केर नजरि पड़ोसी देशमे होबय वला घटनाक्रम पर रहैत अछि जाहिसँ सीधा असरि भारतक राष्ट्रीय सुरक्षा पर पड़ैत अछि।
