राजनगर राज पैलेस स्थित सशस्त्र सीमा बलक 18म बटालियन मुख्यालय द्वारा ” नशा मुक्त भारत पखवाड़ा” केर तहत नशा मुक्तिसँ सम्बंधित कतेको कार्यक्रम चलाओल गेल।
एकर अन्तर्गत नशामुक्ति जागरूकता जुलूसक आयोजन कयल गेल। एहि जुलूसक माध्यमसँ सशस्त्र सीमा बलक सैनिक आ अधिकारीलोकनि सक्रिय भूमिका निभौलनि। जुलूस राज पैलेस स्थित एसएसबी मुख्यालयसँ शुरू भेल आ गंज आ लगपासक क्षेत्रमे नशाक दुरुपयोगक विभिन्न दुष्प्रभावक विषयमे लोकमे जागरुकताक सन्देश प्रसारित कयलक।
जुलूसमे दर्जनों लोक हाथमे “नशा छोड़ू, जीवन जोड़ू”, “नशा मुक्त समाज, राष्ट्र की आस” आ “नशा मुक्त समाज, राष्ट्र की आस” सन प्रेरणादायक नारा लिखल तख्ती लऽ कऽ चलल। एसएसबी लोकसभकेँ नशाक कारण होबयवला सामाजिक, आर्थिक, शारीरिक आ मानसिक हानिक विषयमे जागरूक कयलक। संगहि एसएसबीक अधिकारी सभक संवादक माध्यमसँ युवासभकेँ जागरूक रहबाक आ स्वस्थ जीवनशैली अपनयबाक सन्देश देल गेल।
