पटनाक कोतवाली इलाकाक होटलक गलीमे एकटा नाबालिग लड़कीक संग सामूहिक बलात्कार भेल। एहि मामिलामे चारिटा नाबालिग लड़का घटनाक अंजाम देने अछि। सब आरोपी नाबालिग अछि। कहल जा रहल अछि जे ओ सब 8म आ 10म केँ छात्र अछि।
बुधदिन आरोपी सभकेँ हिरासतमे लेलाक बाद पुलिस आगू केर कार्यवाहीमे व्यस्त अछि।
प्राप्त जानकारीक अनुसार आरोपी कहलक जे, लड़की पहिने इंस्टाग्रामक माध्यमसँ एकटा लड़कासँ दोस्ती कयलक। तकर बाद लड़की ग्रुपक सब दोस्तसँ जुड़ि गेल आ हुनका सबसँ बेसी नजदीक आबि गेल। एम्हर एक मास पहिने दीपनगर इलाकामे स्थित एकटा आरोपीक घर पहुंचल। दुनूक बीच शारीरिक संबंध भेल।
एकर बाद ओ ग्रुपक तीन दोस्तक संग बाईपाससँ सटल एकटा होटलमे गेल, जतय तीनू गोटे एक-एक कए हुनका संग बलात्कार कयलक। लड़की पूछताछक दौरान पुलिसकेँ कहलक जे मंगलदिन लड़का सब ओकरा कोतवाली इलाकाक एकटा होटलमे बजा कय ओतय ओकरा संग दुष्कर्म कयलक।
होटलसँ निकललाक बाद लड़की अपन परिवारकेँ एहि बारेमे जनतब देलक। एकर बाद परिवार पुलिसकेँ जनतब देलक, जकर आधार पर कार्यवाही शुरू भऽ गेल अछि। एहि मामिलामे चारिटा नाबालिग लड़काकेँ गिरफ्तार कयल गेल अछि। जकरासँ पुलिस पूछताछ कयलक अछि। फिलहाल कोतवाली थानाक महिला पुलिस अधिकारी शोभा कुमारी आ एएसआई राजीव रंजन लड़कीक बयान दर्ज करय लेल कोर्टमे लऽ गेलथि।
मामिलाक खुलासा करैत पटनाक एसएसपी कार्तिकेय के. शर्मा कहलनि जे, पटना पुलिसक माध्यमसँ कार्यवाही कय चारू आरोपीकेँ हिरासतमे लेल गेल अछि। एहि पूरा मामिलाक जांच एकटा महिला पुलिस अधिकारी कय रहल छथि।
