शनिकेँ डीएसपी रंजन कुमार अपन कार्यालयमे पत्रकार सम्मेलनमे कहलनि जे, हुनका गुप्त सूचना भेटल जे आरोपी अपन घरमे अवैध हथियार बना रहल अछि। एकर बाद हिल्सा सर्किल इंस्पेक्टर आ चिकसौरा थाना अध्यक्षक नेतृत्वमे विशेष टीमक गठन कs छापामारी कयल गेल। पुलिस आरोपीक घरसँ अर्धनिर्मित हथियारक अलावा निर्माणमे उपयोग होबय वाला मशीन आ औजारक भारी खेप सेहो जब्त कयलक अछि।
पुलिसक अनुसार 4 पीस अर्धनिर्मित देसी पिस्तौल बॉडी, 4 पीस अर्धनिर्मित बैरल, 1 देसी कट्टा (लोहा आ लकड़ी सs बनल), 1 देसी पिस्तौल, 1 कारतूस आ 1 मिसफायर खोखा बरामद भेल। एकर आलावा पुलिस 11 पीस विभिन्न आकारक रेती, 3 पीस ट्रिगर आ ट्रिगर गार्ड, 2 लोहाक ड्रिल मशीन, 1 ग्राइंडर मशीन, 3 लोहा काटय वाला आरी आ रिंच, हैंड ग्रिप सहित अन्य औजार सेहो बरामद कयलक अछि।
एहि छापामारीमे हिलसा सर्किल इंस्पेक्टर चंद्रभानु, चिकसौरा थाना प्रमुख रविन्द्र कुमार, आ पुलिसकर्मी सुबोध राणा, विजय कुमार, दिलीप कुमार, राजकुमार, मनोज कुमार आ चिकसौरा थानाक सशस्त्र टीमक अहम भूमिका छल। आब पुलिस एहि अवैध कारखानाक नेटवर्क आ सप्लाई चेनक जांच शुरू कs देलक अछि। प्रारंभिक जांचमे एहि कारोबारमे शामिल अन्य लोकक सेहो शामिल हेबाक आशंका अछि। आरोपीसँ गहन पूछताछ चलि रहल अछि आ अन्य स्थान पर सेहो निगरानी बढ़ा देल गेल अछि।
