गृह विभाग द्वारा जारी अधिसूचनामे 61 डीएसपी’क स्थानांतरण

पटना समदिया
*

बिहारमे पैघ पैमाना पर पुलिस उपाधीक्षकक स्थानांतरण भेल अछि। एक संग 61 डीएसपीक तबादला कयल गेल अछि। जाहि डीएसपीक स्थानांतरण भेल अछि, तकर सूची जारी कयल गेल अछि। गृह विभाग द्वारा अधिसूचना जारी कयल गेल अछि।

समस्तीपुर जिलामे पदस्थापित पटना जिलाक विकास केशवकेँ आर्थिक अपराध इकाईक जिम्मेदारी देल गेल अछि। बेगूसरायमे पदस्थापित भोजपुर जिलाक रॉली कुमारीकेँ सासारामक बि0वि0स0पु0 (महिला) केर जिम्मेदारी प्राप्त भेल अछि। गयाजीमे पदस्थापित मोतिहारी जिलाक सदानंद कुमारकेँ निगरानी अन्वेषण ब्यूरोमे भेजल गेल अछि। मुजफ्फरपुरमे पदस्थापित जमुई निवासी अभिजीत अलकेशकेँ आर्थिक अपराध इकाईमे भेजल गेल अछि। सिवानमे पदस्थापित पटना जिलाक निशांत गौरवकेँ खगड़िया जिलामे साइबर क्राइममे स्थानांतरित कयल गेल अछि। पटनामे पदस्थापित समस्तीपुर जिलाक मिथिलेश कुमारकेँ निगरानी अन्वेषण ब्यूरोक जिम्मेदारी देल गेल अछि। नालंदामे पदस्थापित पटना जिलाक दीपक कुमारकेँ भागलपुरक पुलिस उपमहानिरीक्षक कार्यालयमे पदस्थापित कयल गेल अछि।

समस्तीपुरमे पदस्थापित पटना जिलाक रिशिता स्नेहकेँ निगरानी अन्वेषण ब्यूरोक जिम्मेदारी देल गेल अछि। पूर्णियामे पदस्थापित मोतिहारी जिलाक अविनाश कुमार कश्यपकेँ साइबर क्राइममे बक्सर भेजल गेल अछि। मधुबनीमे पदस्थापित समस्तीपुर जिलाक गौरव गुप्ताकेँ साइबर क्राइम सुपौलक जिम्मेदारी देल गेल अछि।

बेगूसरायमे पदस्थापित वैशाली जिलाक सुमित शेखरकेँ पटना विशेष कार्य बल विभागक जिम्मेदारी देल गेल अछि। भोजपुरमे पदस्थापित पश्चिम चंपारणक अपूर्वाकेँ बाल्मीकि नगर बगहामे बिहार स्वाभिमान विशेष सशस्त्र पुलिस बलक जिम्मेदारी देल गेल अछि। मोतिहारीमे पदस्थापित उत्तर प्रदेश बिजनौरक रहनिहार शिप्रा राजपूतकेँ तकनीकी सेवासभ एवं वितंतूमे जिम्मेदारी देल गेल अछि। गोपालगंजमे पदस्थापित पटना जिलाक संदीप कुमारकेँ विशेष शाखा, पटना पठाओल गेल अछि। खगड़िया जिलामे पदस्थापित गयाजीक विनय कुमारकेँ सीतामढ़ीक जिम्मेदारी देल गेल अछि। मधेपुरामे पदस्थापित सुपौल जिलाक स्नेह सेतू’केँ भोजपुर जिलामे साइबर क्राइम विभागक जिम्मेदारी देल गेल अछि। जहानाबादमे पदस्थापित सीतामढ़ीक ओमप्रकाशकेँ सहरसा यातायातक जिम्मेदारी भेटल अछि। नवादा जिलामे पदस्थापित पश्चिमी चंपारणक संतोष कुमार पासवानकेँ सारण जिलाक यातायात पुलिस उपाधीक्षक बनाओल गेल अछि। नवगछियामे पदस्थापित कैमूर जिलाक मोहम्मद इस्तखार अहमद अंसारीकेँ बेगूसराय मुख्यालय पठाओल गेल अछि। रोहतास जिलामे पदस्थापित पटना जिलाक कंचन राजकेँ पटना रेलमे पुलिस उपाधीक्षकक जिम्मेदारी भेटल अछि। कटिहार जिलामे पदस्थापित श्वेता कुमारीकेँ रोहतास जिलाक जिम्मेदारी भेटल अछि। बेतियामे पदस्थापित जहानाबाद जिलाक सुनील सक्सेनाकेँ शाहाबाद क्षेत्र डेहरी ऑन सोनमे पुलिस उपमहानिरीक्षक कार्यालयमे प्रशासन विभागक जिम्मेदारी देल गेल अछि। दरभंगा जिलामे पदस्थापित रोहतास जिलाक अभिषेक कुमारकेँ डुमरांव बीएनपी 4 केँ जिम्मेदारी भेटल अछि।

मुंगेरमे पदस्थापित नालंदा जिलाक अभिषेक कुमारकेँ नवगछियामे साइबर अपराधक संग-संग यातायात पुलिस उपाध्यक्षक अतिरिक्त जिम्मेदारी रहत। वैशालीमे पदस्थापित गयाजी जिलाक बबली कुमारीकेँ सासाराम पठाओल गेल अछि। सुपौल जिलामे पदस्थापित गया जिलाक नीतू सिंहकेँ पटनामे मद्य निषेध अपराध अनुसंधान विभागक जिम्मेदारी भेटल अछि। सीतामढ़ीमे पदस्थापित नालंदा जिलाक रवि रंजन कुमारकेँ दरभंगाक पुलिस उपमहानिरीक्षक कार्यालयमे पदस्थापित कयल गेल अछि। भागलपुरमे पदस्थापित सिवानक रीता कुमारीकेँ बालवीर बाल्मीकि नगर बगहामे पुलिस स्वाभिमान विशेष सशस्त्र पुलिस बलक जिम्मेदारी भेटल अछि।