किएक एखनि तक चुप छथि नीतीश बाबू – सम्राट चौधरी
पटना
*
तेलंगानाक मनोनीत मुख्यमंत्री आ कांग्रेस नेता रेवंत रेड्डी द्वारा बिहारक डीएनएक विषयमे देल गेल विवादास्पद बयानपर राजनीति तेज भऽ गेल अछि।एक दिस बिहारक राजनीति दिन-प्रतिदिन गरम भऽ रहल अछि, दोसर दिस तेलंगानाक भावी मुख्यमंत्री आ कांग्रेस नेता रेवंत रेड्डी द्वारा बिहारक डीएनए पर देल गेल विवादित बयान पर राजनीति तेज भऽ गेल अछि। हालहिमे जेडीयू नेता अशोक चौधरी एहि बयान पर कड़ा आपत्ति जताबैत कहलनि – “रेवंत रेड्डीक हताशाक कोनो इलाज नहि अछि, मुदा हम हुनकर जानकारी सुधारि सकैत छी। ई ओ बिहार अछि जतय आर्यभट्ट आ सम्राट अशोकक जन्म भेल छल। संगहि बापू स्वतन्त्रताक लेल सत्याग्रह कयलनि आ लोकतंत्रक आधारशिला रखलनि। संगहि, ई उहे बिहारी डीएनए छल, जकर सम्पूर्ण आन्दोलनसँ सरकार हिल गेल छल।”
आब जेडीयू के बाद भाजपा नेता सेहो एहि बयान के लऽ कऽ आक्रामक भऽ गेल छथि।
बिहार भाजपाक प्रदेश अध्यक्ष सम्राट चौधरी मुख्यमंत्री नीतीश कुमार पर हमला कयलथि अछि। सम्राट चौधरी अपन ट्विटर हैंडल पर पोस्ट करैत बिहारक मुख्यमंत्री नीतीश कुमारसँ तीक्ष्ण सवाल पूछलनि। “तेलंगाना कांग्रेसक नेता रेवंत रेड्डी बिहार आ पिछड़ा वर्गक अपमान कयलक अछि, मुदा अहाँ चुप किएक छी नीतीश बाबू ? की अहाँ आईएनडी गठबंधनक संयोजक बनबाक सपना देखि रहल छी ?”
जनतब दी जे कांग्रेसक नेता रेवंत रेड्डी तेलंगानाक पूर्व मुख्यमंत्री केसीआर पर तीखा हमला करैत बिहारक डीएनए पर सेहो सवाल उठौने छल। ओ कहने छल जे “केसीआरक पूर्वज बिहारक छलाह आ पलायन कय आन्ध्र प्रदेशक विजयनगरम चलि आयल छलाह। पुनः अगिला पीढ़ीक रूपमे केसीआर तेलंगानामे सक्रिय भऽ गेलाह। ओ कुर्मी जातिसँ छथि।” ओ आगू कहलनि जे “तेलंगानाक डीएनए बिहारक डीएनएसँ नीक अछि।”
नित्यानंद राय सेहो रेवंत रेड्डीक बयान पर प्रतिक्रिया दैत कहलनि, “चारि राज्यमे करारी हारक बाद कांग्रेस विभाजनक राजनीति मपर उतरि गेल अछि। रेवंत रेड्डीक बयान राहुल गाँधीक राजनीतिक हिस्सा अछि। कांग्रेस बिहारक हमर कुर्मी भाई-बहिनक निर्लज्जतापूर्वक अपमान कऽ रहल अछि,” ओ कहलनि – “बिहारक डीएनए पर सवाल उठबयवाला कांग्रेसकेँ एतय केर जनता अपन शक्तिक अनुभूति कराओत। संगहि बिहारक स्वाभिमान आहत भेल अछि। उत्तर आ दक्षिणमे भेद पैदा कय राजनीति करयवाली कांग्रेसक डीएनए मे बंटवारा अछि।”
