असममे लगातार भारी बारिशक कारण बनल खतरनाक कृत्रिम बाढ़िक स्थितिक कारण गुवाहाटी महानगरीय क्षेत्र केर अत्यधिक संवेदनशील घोषित कऽ देल गेल अछि। मुख्यमंत्री डॉ. हिमंत विश्व शर्मा राज्यक लोककेँ सीधा संदेशमे घरक भीतर रहय केर चेतावनी देलनि अछि। ओ सचेत करैत कहलखिन जे अनावश्यक यात्रासँ बचू कियाकि अगिला 2-3 दिनमे भारी बरखा हेबाक संभावना अछि। खास कऽ गुवाहाटी महानमे भारी बरखाक कारण किछ संवेदनशील इलाकामे पानि भरयसँ गाछ खसय आओर भूस्खलनक खतरा बनल अछि। प्रशासन लगातार स्थिति पर नजरि रखने अछि आ आपातकालीन स्थितिक बचाव लेल उपायक प्रबंध सक्रिय राखल गेल अछि।
प्रशासन आम जनतासँ सावधान रहबाक आग्रह कयलक अछि। रोजाना आबयवाला आ नियमित यात्रा करय वालासँ आग्रह कएल गेल अछि कि भारी बारिशक दौरान अनावश्यक यात्रासँ बचय केर चाही। निचला इलाका आ पहाड़ीक पास रहय वाला नागरिकक बरखा आ भूस्खलनक संभावनाकेँ लऽ कऽ सतर्क रहय केर सलाह देल गेल अछि।
