रुसी राष्ट्रपति व्लादिमीर पुतिन सालाना उच्च स्तरीय बैसारमे शामिल होयबाक लेल भारत आबि रहल छथि। राष्ट्रपति पुतिन प्रधानमंत्री नरेंद्र मोदीक निमंत्रण स्वीकार कयलनि। सोमदिन दिन दुनू नेता टेलीफोन पर बातचीत कएलनि।
राष्ट्रपति व्लादिमीर पुतिन सोमदिन प्रधानमंत्री नरेंद्र मोदीकेँ फोन कएलनि आ पहलगाम आतंकी हमलाक निंदा कएलनि। क्रेमलिनक तरफसँ जारी कएल गेल बयानक अनुसार नेता सभ आतंकवादक कोनो स्वरूपकेँ स्वीकार कयने बिना समझौताक लड़ाई केर आवश्यकता पर जोर देलनि।
भारतीय नेता रुसी राष्ट्रपतिक वार्षिक द्विपक्षीय शिखर सम्मेलनक लेल भारत आबयक निमंत्रण देलनि। निमंत्रणक कृतज्ञतापूर्वक स्वीकार कएल गेल। बयानमे कहल गेल अछि कि ओहिठाम रुसी-भारतीय संबंधक रणनीतिक प्रकृति पर जोर देल गेल अछि। ओ कहलनि जे ई संबंध बाहरी प्रभावसँ प्रभावित नै होइत अछि आ सभ दिशामे गतिशीलतासँ विकसित होयत रहल अछि।
पुतिन आतंकीवादक विरूद्ध भारतक लड़ाईमे पूरा समर्थन व्यक्त कएलनि। एहिसँ पहिने काल्हि रूसक राष्ट्रपति व्लादिमीर पुतिन प्रधानमंत्री नरेन्द्र मोदीसँ फोन पर बात कयलनि आ पहलगाम आतंकी हमलाक कड़ा निंदा कयलनि, ओ कहलनि कि दोषी सबकेँ न्यायक कठघरामे लाओल जाए। विदेश मंत्रालयक अनुसार, पुतिन मोदीसँ इहो कहलनि जे रूस आतंकवादक विरूद्ध भारतक लड़ाईक पूरा समर्थन करैत अछि।
मंत्रालयक प्रवक्ता रणधीर जायसवाल सोशल मीडिया पर एकटा पोस्टमे कहलनि, राष्ट्रपति पुतिन प्रधानमंत्री नरेन्द्र मोदी संग बातचीत कयलाह आ भारतक पहलगाममे भेल आतंकी हमला केर कड़ा निंदा कयलाह। ओ निर्दोष लोकक मृत्यु पर गहिंर दुख व्यक्त कयलाह आ आतंकवादक खिलाफ लड़ाईमे भारतक पूर्ण समर्थन देबाक बात कहलनि। जायसवाल कहलनि जे मोदी आ पुतिन ‘भारत-रूस विशेष आ विशेषाधिकार प्राप्त रणनीतिक साझेदारी’केँ आर प्रगाढ़ बनेबाक अपन प्रतिबद्धता दोहरेलनि।
प्रधानमंत्री रूसक ‘विक्टरी डे’ केर 80वीं वर्षगांठक अवसर पर रूसी राष्ट्रपतिकेँ शुभकामना देलनि।
