सीओ नरेंद्र कुमार सिंह कहलनि जे सूचनाक आधार पर पुलिस मौका पर पहुँचि गेल। होटेलसँ 6 लोककेँ गिरफ्तार कएल गेल अछि आ होटलकेँ सील कएल गेल अछि।
जन्मदिनक पार्टीमे शराब पीबए केर अनुमतिक कारण बाढ़क एकटा होटलकेँ मंगलक देर राति सील कएल गेल। संगहि एहि मामिलामे छः लोककेँ गिरफ्तार कएल गेल। राजधानी पटनाक बाढ़ अनुमंडलमे ई रेस्टोरेंट अछि, जतए देर राति शराबक पार्टी चलि रहल छल। पुलिस द्वारा आधा बोतल पील गेल शराब सेहो जब्त कएल गेल।
पटनाक बाढ़ थाना अंतर्गत एनएच-31 लग रोटी बोटी फॅमिली रेस्टोरेंटक ई मामिला अछि, जतए रातिमे पुलिस बर्थ-डे पार्टीमे शराब पी रहल छः लोककेँ पकड़लक। ताहि संग सीओक मौजूदगीमे रेस्टोरेंटकेँ सील क’ देल गेल। रेस्टोरेंटमे साँझसँ बर्थडे पार्टी मनाओल जा रहल छल। सीओ नरेंद्र कुमार सिंह कहलनि जे होटलमे किछु लोक मिल क’ शराब पी रहल छल, जे बिहारमे पूर्णतः बंद अछि। सीओ नरेंद्र कुमार सिंह कहलानि जे सूचना भेटला पर पुलिस स्थल पर पहुँचल आ होटेलसँ 6 लोककेँ गिरफ्तार कएलक आ होटल केर सील क’ देल गेल। आगाँ विधिसम्मत कार्यवाही कयल जा रहल अछि। छापामारीक दौरान होटल संचालक स्थलसँ फरार भ’ गेल। ताहि संग टेबल पर राखल आधा बोतल शराब सेहो बरामद कएल गेल। वरीय पदाधिकारीकेँ ई सूचना देल गेल अछि।
जनतब जे बिहारमे पूर्णतः शराबबंदी होयबाक बादो होटेल संचालक व्यावसायिक प्रतिष्ठानमे शराब पीया रहल छल। शराबबंदीक बावजूद एखन धरि बिहारमे शराब ठिकसँ बंद नहि भेल अछि। चोरा-नुका कऽ पीबैक आ पियाबैक सिलसिला एखनौंह जारी अछि।
